Psalms 114
114:1 Israelte Izipt gam pan pusuakin, Jakob innkuanpihte paudang a zang mite kiang pan a paikhiat uh ciangin,
114:2 Judah gam in ama biakinn suak a, Israel gam in ama ukna gam a suak hi.
114:3 Tuipi in mu-in taikhia a, Jordan gun a nung kik hi.
114:4 Mualliante tuutal bangin diang uh a, mualneute tuuno bangin a diang uh hi.
114:5 Tuipi aw, na taikhiat nading, Jordan gun aw, na nungkik nading,
114:6 Mualliante aw, tuutal bangin, mualneute aw, tuuno bangin na dian’ nading uh bang in hong nasak ahi hiam?
114:7 Leitung aw, suangpi bualtui khuk suak sak a, meisuang pen ciktui a suak sak, Jakob Pasian’ omna, Topa ’ omna-ah kiliing in!