Library · hlt

1 Chronicles 2

2:1 Israel koca rhoek he tah Reuben, Simeon, Levi, Judah, Issakhar neh Zebulun. 2:2 Dan, Joseph, Benjamin, Naphtali, Gad neh Asher. 2:3 Judah koca la Er, Onan neh Shelah om. Anih ham Kanaan nu Bathshua loh pathum a sak. Er tah Judah caming la om dae BOEIPA mikhmuh ah a thae dongah anih te a duek sak. 2:4 A langa Tamar long khaw anih ham te Perez neh Zerah a sak pah dongah Judah koca he a pum la panga lo. 2:5 Perez koca ah Khetsron neh Hamul. 2:6 Zerah koca ah Zimri, Ethan, Heman, Khalkol neh Dara neh a pum la panga lo uh. 2:7 Karmee koca Akhar loh Israel a lawn tih yaehtaboeih la boe a koek. 2:8 Ethan koca ah Azariah. 2:9 Khetsron koca la Jerahmeel loh anih ham te Ram neh Khelubai a sak pah. 2:10 Ram loh Amminadab a sak. Amminadab loh Judah koca kah khoboei Nahshon a sak. 2:11 Nahshon loh Salma te a sak tih Salma loh Boaz te a sak. 2:12 Boaz loh Obed a sak tih Obed loh Jesse a sak. 2:13 Jesse loh a caming la Eliab, a pabae ah Abinadab, a pathum ah Shimea, 2:14 a pali ah Nethanel, a panga ah Raddai, 2:15 a parhuk ah Ozem, a parhih ah David a sak. 2:16 A ngannu khaw om tih Zeruiah neh Abigal he a ngannu nah. Zeruiah koca ah Abishai, Joab, Asahel neh pathum lo uh. 2:17 Abigal loh Amasa a sak. Amasa napa tah Ishmael Jether ni. 2:18 Khetsron capa Kaleb loh a yuu Azubah neh Jerioth lamloh ca a sak. Anih ca rhoek he Jesher, Shobab neh Ardon. 2:19 Azubah a duek neh Kaleb loh a Epharath te amah taengla a loh tih anih ham te Hur a sak pah. 2:20 Hur loh Uri te a sak tih Uri loh Bezalel a sak. 2:21 A hnukah Khetsron te Gilead napa Makir canu taengla kun. Khetsron loh anih te a loh tih kum sawmrhuk a lo ca vaengah tah Khetsron ham te Segub a sak pah. 2:22 Segub loh Jair a sak tih Gilead khohmuen kah khopuei pakul pathum te anih hut la om. 2:23 Tedae Geshuri, Aram vangca rhoek neh Jair, te khui lamloh Kenath neh a khobuel, khopuei sawmrhuk te a loh thil. Te boeih te Gilead napa Makir koca rhoek kah ni. 2:24 A hnukah Khetsron he Kalebephratha ah duek. Khetsron yuu Abijah loh anih ham te Tekoa napa Ashhur a sak pah. 2:25 Khetsron caming Jerahmeel koca ah a caming Ram neh Bunah, Oren neh Ozem neh Ahijah om uh. 2:26 Jerahmeel te a yuu tloe om tih a ming tah Onam manu Atarah ni. 2:27 Jerahmeel caming Ram koca la Maaz, Jamin neh Eker om. 2:28 Onam koca la Shammai neh Jada om tih Shammai koca la Nadab neh Abishur om. 2:29 Abishur yuu ming tah Abihail tih anih ham Ahban neh Molid a sak pah. 2:30 Nadab koca la Seled neh Appaim om dae Seled tah camoe om kolla duek. 2:31 Appaim koca la Ishi, Ishi koca la Sheshan, Sheshan koca la Ahlai. 2:32 Shammai mana Jada koca la Jether neh Jonathan om dae Jether tah camoe om kolla duek. 2:33 Jonathan koca la Peleth, Zaza. Te rhoek te Jerahmeel koca la om uh. 2:34 Sheshan te ca tongpa om pawt tih huta rhoek bueng om. Sheshan taengah Egypt sal, a ming ah Jarha om. 2:35 Sheshan loh a canu te a sal Jarha taengah a yuu la a paek dongah anih ham te Attai a sak pah. 2:36 Attai loh Nathan a sak tih Nathan loh Zabad a sak. 2:37 Zabad loh Ephlal a sak tih Ephlal loh Obed a sak. 2:38 Obed loh Jehu a sak tih Jehu loh Azariah a sak. 2:39 Azariah loh Helez a sak tih Helez loh Elasah a sak. 2:40 Elasah loh Sismai a sak tih Sismai loh Shallum a sak. 2:41 Shallum loh Jekamiah a sak tih Jekamiah loh Elishama a sak. 2:42 Jerahmeel mana Kaleb koca ah Ziph napa Mesha he a caming tih Mareshah koca Hebron napa om. 2:43 Hebron koca ah Korah, Tappuah, Rekem neh Shema om. 2:44 Shema loh Jorkeam napa Raham a sak tih Rekem loh Shammai a sak. 2:45 Shammai koca ah Moan tih Moan tah Bethzur napa ni. 2:46 Kaleb yula Ephah loh Haran, Moza neh Gazez a sak. Haran loh Gazez a sak. 2:47 Jahdai koca ah Regem, Jotham, Geshan, Pelet, Ephah neh Shaaph om. 2:48 Kaleb yula Maakah loh Sheber neh Tirhannah a sak. 2:49 Madmannah napa Shaaph, Makhbenah napa Sheva neh Gibea napa khaw a sak. Akcah he Kaleb canu bal ni. 2:50 He rhoek he Kaleb koca la om uh. Hur koca ah a caming la Epharath tih Kiriathjearim napa Shobal. 2:51 Bethlehem napa Salma, Bethgader napa Hareph khaw om. 2:52 Kiriathjearim napa Shobal koca dongah Manahati hlangvang Haroeh khaw om pueng. 2:53 Kiriathjearim koca dongah Yitha neh Puthi, Shumati, Mishrati om tih te rhoek lamloh Zorathi neh Eshtaoi la pawk. 2:54 Salma koca ah Bethlehem, Netophah, Atrothbethjoab neh Manahati ngancawn Zorathi om. 2:55 Cadaek koca la aka om tah Jabez, Tirathites, Shimeathi neh Shukathi ni. Te rhoek te Rekhab imkhui kah a napa Khammath lamkah aka thoeng Keni rhoek ni.