1 Chronicles 24
24:1 Aaron koca rhoek kah a boelnah rhoek la, Aaron koca ah Nadab, Abihu, Eleazar neh Ithamar.
24:2 Tedae Nadab neh Abihu tah a napa rhoek hmai ah duek rhoi. Amih rhoi te ca tongpa a om pawt dongah Eleazar neh Ithamar te khosoih rhoi.
24:3 Amih khaw David loh ana tael coeng tih Eleazar koca lamkah Zadok neh Ithamar koca lamkah Ahimelek tah amih kah thothuengnah dongah amih aka cawhkung la a khueh.
24:4 Eleazar koca kah hlang rhoek he Ithamar koca lakah khaw boeilu la muep thoeng. Amih Eleazar koca lamloh a napa imkhui kah boeilu la aka phaeng uh he hlai rhuk lo. Ithamar koca lamkah khaw a napa rhoek imkhui kah te parhet lo uh.
24:5 Te tlam he hmulung neh amih te a tael uh. Te dongah Eleazar koca lamkah kah neh Ithamar koca lamkah he hmuencim mangpa neh Pathen mangpa la om uh.
24:6 Amih te Levi lamkah cadaek Nethanel capa Shemaiah loh manghai neh mangpa rhoek, khosoih Zadok neh Abiathar capa Ahimelek, khosoih napa boeilu neh Levi kah mikhmuh ah a daek pah. A napa rhoek imkhui kah te Eleazar lamkah pakhat a loh tih Ithamar lamkah a loh.
24:7 hmulung te lamhma ah Jehoiarib taengla, a pabae ah Jedaiah taengla pawk.
24:8 A pathum ah Harim taengla, a pali te Seorim taengla.
24:9 A panga te Malkhiah taengla, a parhuk Mijamin taengla,
24:10 A parhih te Koz taengla, a parhet te Abijah taengla.
24:11 A pako te Jeshua taengla, a hlai te Shekaniah taengla.
24:12 Hlai at te Eliashib taengla, hlai nit te Jakim taengla.
24:13 Hlai thum te Huppah taengla, a hlai li te Jeshebeab taengla.
24:14 A hlai nga te Bilgah taengla, a hlai rhuk te Immer taengla.
24:15 Hlai rhih te Hezir taengla, hlai rhet te Happozzez taengla.
24:16 Hlai ko te Pethahiah taengla, pakul te Ezekiel taengla.
24:17 Pakul pakhat te Jakhin taengla, pakul panit te Gamul taengla.
24:18 Pakul pathum te Delaiah taengla, pakul pali te Maaziah taengla.
24:19 Te rhoek long te Israel Pathen BOEIPA loh amih napa Aaron kut dongah a uen a khosing vanbangla BOEIPA im la a kun vaengah amamih kah thothuengnah dongah amih aka cawhkung la om.
24:20 Levi koca kah a coih te Amram koca lamloh Shubael, Shubael koca lamloh Jedeiah.
24:21 Rehabiah ham te Rehabiah koca lamloh a cacuek Isshiah.
24:22 Izhari lamloh Shelmoth, Shelmoth koca lamloh Jahath.
24:23 Jeriah koca ah, Amariah te a pabae, Jahaziel te a pathum, Jekameam te a pali.
24:24 Uzziel koca Maikah, Maikah koca lamloh Shamir.
24:25 Maikah mana Isshiah, Isshiah koca lamloh Zekhariah.
24:26 Merari koca ah Mahli neh a capa Jaaziah koca Mushi.
24:27 Merari koca ah a capa Jaaziah lamkah neh Shoham, Zakkuur neh Ibri.
24:28 Mahli lamkah he Eleazar dae anih te ca tongpa om pawh.
24:29 Kish lamkah khaw Kish koca he Jerahmeel.
24:30 Mushi koca rhoek la Mahli, Eder, Jerimoth. He rhoek tah Levi koca rhoek kah a napa rhoek imkhui cako ni.
24:31 Amih khaw a manuca rhoek bangla manghai David, Zadok, Ahimelek neh khosoih napa boeilu rhoek, a napa Levi boeilu rhoek, voeivang kah a manuca tanoe rhoek mikhmuh ah Aaron koca bangla hmulung neh a naan uh.