Library · hlt

1 Chronicles 7

7:1 Issakhar koca ah Tola, Puvah, Jashub, Shimron neh pali lo. 7:2 Tola koca ah Uzzi, Rephaiah, Jeriel, Jahmai, Ibsam neh Samuel he a napa imkhui ah a lu la om uh. Tola he a rhuirhong lamtah tatthai hlangrhalh la om uh. A hlangmi he David tue vaengah thawng kul thawng hnih ya rhuk om uh. 7:3 Uzzi koca ah Izrahiah, Izrahiah koca ah Michael, Obadiah, Joel, Isshiah neh panga la a lu boeih a bi uh. 7:4 Amih te amamih rhuirhong lamtah a napa imkhui lamloh a yuu a ca khaw a ping uh dongah caemtloek vaengah caempuei caem he thawng sawmthum thawng rhuk lo uh. 7:5 A boeinaphung ah Issakhar koca rhoek tah tatthai hlangrhalh la boeih om uh. Amih khuiah thawng sawmrhet thawng rhih tah a khuui la boeih om uh. 7:6 Benjamin koca ah Bela, Bekher, Jediael neh pathum lo. 7:7 Bela koca ah Ezbon, Uzzi, Uzziel, Jerimoth, Iri neh panga lo uh. A napa rhoek imkhui ah a lu neh tatthai hlangrhalh la om uh. Te dongah a khuui la thawng kul thawng hnih sawmthum pali om. 7:8 Bekher koca ah Zemirah, Joash, Eliezer, Elioenai, Omri, Jerimoth, Abijah, Anathoth neh Alemeth. He boeih he Bekher koca rhoek ni. 7:9 Amih rhuirhong he a khuui la a napa rhoek imkhui ah a lu la om tih tatthai hlangrhalh he thawng kul yahnih om. 7:10 Jediael koca ah Bilhan, Bilhan koca ah Jeush, Benjamin, Ehud, Kenaanah, Zethan, Tarshish neh Ahishahar. 7:11 He boeih he a napa rhoek imkhui kah a lu neh tatthai hlangrhalh aka om Jediael koca rhoek ni. Te dongah thawng hlai rhih yahnih te caemtloek vaengah caempuei la cet uh. 7:12 Ir koca ah Shuppim neh Huppim, Aher koca neh Hushim. 7:13 Naphtali koca ah Jahziel, Guni, Jezer, Bilhah koca ah Shallum. 7:14 Manasseh koca rhoek ah a yula Arammi loh Asriel te a sak pah tih Gilead napa Makir khaw a sak pah. 7:15 Makir loh a yuu te Huppim lamkah neh Shuppim lamkah a loh. A ngannu ming tah Maakah tih a pabae ming tah Zelophehad. Tedae Zelophehad taengah ca huta rhoek ni aka om. 7:16 Makir yuu Maakah loh capa a cun tih a ming ah Peresh a sui. A mana ming tah Sheresh tih anih ca rhoi tah Ulam neh Rekem. 7:17 Ulam koca la Bedan. He rhoek he Manasseh capa Makir kah a ca Gilead koca rhoek ni. 7:18 A ngannu Hammoleketh loh Ishhod, Abiezer neh Mahlah a sak. 7:19 Shemida koca ah Ahian, Shekhem, Likhi neh Aniam om. 7:20 Ephraim koca ah Shuthela tih Shuthela capa Bered, Bered capa Tahath, Tahath capa Eleadah, Eleadah capa Tahath. 7:21 Tahath capa Zabad, Zabad koca ah Shuthela, Ezer neh Elead. Amih te a boiva loh ham a suntlak uh vaengah khohmuen kah a cun Gath hlang rhoek loh a ngawn. 7:22 Te vaengah a napa Ephraim te khohnin a sen nguekcoi tih a manuca rhoek khaw anih hloep ham cet uh. 7:23 Te phoeiah a yuu taengla kun tih a yuu te vawn. Capa a cun pah vaengah tah a imkhui ah yoethae a pai pah dongah a ming te Beriah a sui. 7:24 Anih canu tah Sheerah tih Bethhoron a so a dang neh Uzzensherah te a sak. 7:25 Anih koca ah Rephah neh Resheph tih Resheph koca ah Telah, Telah koca ah Tahan. 7:26 Tahan capa Ladan, Ladan capa Ammihud, Ammihud capa Elishama. 7:27 Elishama capa Nun, Nun capa Joshua. 7:28 Amih khohut neh a tolrhum tah Bethel neh a khobuel rhoek, khocuk ah Naaran, khotlak la Gezer neh a khobuel, Shekhem neh a khobuel, Ai neh a khobuel hil. 7:29 Manasseh koca kut kah Bethshan neh a khobuel rhoek, Taanakh neh a khobuel, Megiddo neh a khobuel rhoek, Dore neh a khobuel rhoek ah he Israel capa Joseph koca rhoek loh kho a sak uh. 7:30 Asher koca ah Imnah, Ishua, Ishee, Beriah neh a ngannu Serah. 7:31 Beriah koca ah Heber, Birzaith napa Malkhiel neh Birzaith. 7:32 Heber loh Japhlet, Shomer, Hotham neh a ngannu Shua a sak. 7:33 Japhlet koca Pasakh, Bimhal, Ashvath tih he rhoek he Japhlet koca rhoek ni. 7:34 Shemer koca Ahi Rohgah neh Hubbah Rohgah, Hubbah neh Aram. 7:35 A manuca Helem koca ah Zophah, Imna, Shelesh neh Amal. 7:36 Zophah koca Suah, Harnepher, Shual, Beri neh Imrah. 7:37 Bezer, Hod, Shammah, Shilshah, Ithran neh Beera. 7:38 Jether koca ah Jephunneh, Pispah, Ara. 7:39 Ula koca ah Arah, Hanniel neh Rizia. 7:40 He boeih he a napa imkhui kah a lu rhoek neh khoboei boeilu, tatthai hlangrhalh la a coelh Asher koca rhoek ni. Amih te a khuui la caemtloek vaengkah caempuei khuiah a hlangmi la hlang thawng kul thawng rhuk om coeng.