Joshua 15
15:1 Judah ca rhoek neh a hui a ko tarahing ah tuithim kah Zin khosoek Edom khorhi, tuithim khobawt te amih koca kah hmulung la a om pah.
15:2 Te dongah lungkaeh li hmoi lamloh tuithim la aka hooi uh longken khaw, amih kah tuithim la om.
15:3 Akrabbim kham tuithim ah a khuen tih Zin la kat. Te phoeiah Kadeshbarnea tuithim la cet tih Khetsron la a kat sak. Te lamkah loh Addar te a paan tih Karka la mael.
15:4 Te phoeiah Azmon la kat phai tih Egypt soklong te a doo. Te lamkah te tuili rhi kah longrhael ah aka om aka om tah nangmih ham tuithim khorhi la om.
15:5 Lungkaeh li lamkah loh Jordan tuikung due khothoeng khorhi la om tih tuili longken lamloh Jordan tuikung ah tlangpuei ben kah khorhi la om.
15:6 Te phoeiah Bethhoglah khorhi la luei hang tih Bethkolken tlangpuei a paan phoeiah Reuben capa Bohan kah lungto rhi la luei.
15:7 Te phoeiah Akor kol lamloh Debir khorhi la luei bal tih soklong tuithim kah Adummim kham dan Gilgal ah tlangpuei la hooi uh. Te phoeiah khorhi loh Enshemesh tui te a paan tih Enrogel ah a bawtnah om.
15:8 Kolrhawk khorhi tuithim kah Jebusi tlanghlaep ah Jerusalem la yong. Te phoeiah khorhi te tlangpuei kah Rapha kol hmoi, khotlak kolrhawk dan kah tlang soi la luei.
15:9 Te phoeiah khorhi te tlang so lamloh Nephtoah tuisih tui la ngooi thuk tih Ephron tlang kah khopuei rhoek te a paan phoeiah Kiriathjearim kah Baalah khorhi la rhum.
15:10 Baalah khotlak lamkah khorhi te Seir tlang la a ken bal tih Kesalon tlangpuei kah Jearim tlang hlaep la yong. Te phoeiah Bethshemesh la suntla tih Timnah la kat.
15:11 Te phoeiah khorhi te tlangpuei kah Ekron hlaep la pawk tih Shikkron khorhi ngooi. Te phoeiah Baalah tlang a pah tih Jabneel a pha phoeiah tuitun rhi ah a bawtnah om.
15:12 Te dongah khotlak tuili puei khorhi neh Judah ca rhoek kah khorhi he, amah huiko rhoek loh a vael khorhi la om.
15:13 BOEIPA kah olpaek vanbangla Joshua loh Judah koca lakli ah Jephuneh capa Kaleb ham Anakim napa Kiriatharba kah Hebron te khoyo la a phaeng.
15:14 Te lamkah Anak koca pathum Sheshai, Ahiman neh Anakim cahlah Talmai te Kaleb loh a haek.
15:15 Te lamloh Debir khosa rhoek khaw a khoong thil. Debir kah a ming rhuem tah Kiriathsepher ni.
15:16 Te vaengah Kaleb loh , “Kiriathsepher aka tloek tih aka lo te tah ka canu Akcah he a yuu la ka paek ni,” a ti.
15:17 Te dongah Kiriathsepher te Kaleb kah a manuca Kenaz capa Othniel loh a loh tih anih yuu la a canu Akcah te a paek.
15:18 Huta loh ham paan vaengah a napa taengkah khohmuen bih hamla a va te a vueh tih laak dong lamloh pawlh bit uh. Te dongah anih te Kaleb loh , “Nang tahh balae na ngaih,” a ti nah.
15:19 Te dongah, “Kai ham khaw yoethennah nan khueh atah tuithim khohmuen ke kai m'pae lamtah tuidueh tui khaw kai ham na khueh bal mako,” a ti nah. Te dongah anih te a siip tuidueh neh a hnawt tuidueh rhoek te a paek.
15:20 He tah Judah ca rhoek loh amah koca khuiah a cako rhoek kah rho ni.
15:21 Tuithim Edom khorhi kah Kabzeel, Eder, Jagur,
15:22 Kinah, Dimonah, Adanah,
15:23 Kedesh, Hazor, Ithnan,
15:24 Ziph, Telem, Bealoth,
15:25 Hazorhadattah neh Hazor kah Kerioth Khetsron,
15:26 Amam, Shema, Moladah,
15:27 Hazargaddah, Heshmon, Bethpelet,
15:28 Hazarshual, Beersheba, Biziothiah,
15:29 Baalah, Iyim, Ezem,
15:30 Eltolad, Kesil, Hormah,
15:31 Ziklag, Madmannah, Sansannah,
15:32 Lebaoth, Shilhim, Ayin, Rimmon, khopuei pakul pako neh vangca boeih he Judah ca rhoek neh amih koca kah khobawt ah aka om khopuei rhoek ni.
15:33 Kolrhawk ah khaw Eshtaol, Zorah, Ashnah,
15:34 Zanoah, Engannim, Tapuah, Enam,
15:35 Jarmuth, Adullam, Sokoh, Azekah,
15:36 Shaaraim, Adithaim, Grderah, Gederothaim, khopuei hlai li neh amih kah vangca rhoek.
15:37 Zenan, Hadashad, Migdalgad,
15:38 Dilean, Mizpeh, Joktheel,
15:39 Lakhish, Bozkath, Eglon,
15:40 Kabbon, Lahmas, Kitlish,
15:41 Gederoth, Bethdagon, Naamah, Makkedah, khopuei hlai rhuk neh amih kah vangca rhoek.
15:42 Libnah, Ether, Ashan,
15:43 Jephthah, Ashnah, Nezib,
15:44 Keilah, Akhzib, Mareshah, khopuei pako neh amih kah vangca rhoek,
15:45 Ekron, anih kah khobuel neh vangca rhoek,
15:46 Ekron lamloh tuitun kah Ashdod ngoe boeih neh amih kah vangca rhoek,
15:47 Ashdod khobuel rhoek neh a vangca rhoek. Gaza khobuel rhoek neh anih kah vangca rhoek, Egypt soklong neh tuipuei rhi kah rhi puei duela om.
15:48 Tlang kah, Shamir, Jattir, Sokoh,
15:49 Dannah, Kiriathsannah Debir
15:50 Anab, Eshtmoa, Anim,
15:51 Goshen, Holon, Giloh, khopuei hlai khat neh amih kah vangca rhoek,
15:52 Arab, Rumah, Eshan,
15:53 Janim, Bethtappuah, Aphekah,
15:54 Humtah, Kiriatharba Hebron Zior khopuei pako neh amih kah vangca rhoek khaw om.
15:55 Maon Karmel, Ziph, Juttah,
15:56 Jezreel, Jokdeam, Zanoah,
15:57 Kain, Geba, Timnah khopuei parha neh amih kah vangca rhoek,
15:58 Halhul, Bethzur, Gedor,
15:59 Maarath, Bethanoth, Eltekon, khopuei parhuk neh amih kah vangca rhoek,
15:60 Kiriathbaal Kiriathjearim, Rabbah khopuei panit neh amih kah vangca rhoek,
15:61 Khosoek kah Bethkolken Middin neh Sekakah,
15:62 Nibshan, Lungkaeh khopuei, Engedi khopuei parhuk neh amih kah vangca rhoek khaw om.
15:63 Tedae Jerusalem kah aka om Jebusi rhoek tah Judah ca rhoek loh a haek ham coeng rhoe la coeng pawh. Te dongah Jebusi neh Judah ca rhoek he tihnin due Jerusalem ah hmaih om uh.