Library · hlt

Lamentations 5

5:1 BOEIPA aw poek lamtah kaimih taengkah aka thoeng te paelki laeh. Paelki lamtah kaimih sokah kokhahnah he hmu lah. 5:2 Kaimih kah rho te hlanglak taengla, ka im te kholong taengla pawk coeng. 5:3 Cadah la ka om uh tih nuhmai bangla ka manu napa a om moenih. 5:4 Kamamih tui ha tangka neh ka ok uh tih kamamih kah thing ha a phu daengah ha pawk. 5:5 Ka rhawn ah n'hloem uh vaengah ka kohnue uh pawt bangla kaimih he n'duem sak pawh. 5:6 Buh ka cung uh ham khaw Egypt neh Assyria taengah kut ka duen uh. 5:7 A pa rhoek khaw tholh uh tih kaimih taengah a om voel moenih. Tedae kaimih loh amih kathaesainah te ka phueih uh. 5:8 Sal rhoek kaimih soah n'taemrhai uh tih amih kut lamkah aka bawt om pawh. 5:9 Khosoek cunghang hmai ah ka hinglu nen ni ka buh ka dang uh. 5:10 Khokha rhamling hmai ah ka vin khaw hmaiulh bangla tloo coeng. 5:11 Zion kah huta rhoek neh Judah khopuei kah oila rhoek khaw a tholh puei uh. 5:12 Amih kut neh mangpa rhoek a kuiok sak tih patong rhoek kah maelhmai khaw hiin uh pawh. 5:13 Tongpang rhoek loh phaklung a phueih uh tih camoe rhoek te thingpum dongah paloe uh. 5:14 Vongka lamkah patong rhoek neh, tongpang rhoek khaw a rhotoeng lamloh kangkuen uh. 5:15 Kaimih lungbuei kah omthennah he kangkuen coeng tih kaimih kah lamnah khaw nguekcoinah la poeh. 5:16 Kamih lu kah rhuisam khaw yulh coeng. Anunae ka tholh uh khaw kaimih ham coeng ni. 5:17 Te dongah ko kaimih lungbuei he pumthim hainak la coeng. He dongah kaimih kah maelhmai khaw hmuep. 5:18 Zion tlang aka pong te a soah maetang ni a pongpa coeng. 5:19 BOEIPA namah tah kumhal duela na om tih, na ngolkhoel khaw cadilcahma phoeikah cadilcahma duela cak. 5:20 Balae tih a yoeyah la kaimih nan hnilh? Kaimih nan hnoo khaw khohnin loh sen. 5:21 BOEIPA aw kaimih he namah taengah m'mael sak laeh. Ka mael uh van daengah ni hlamat kah bangla kaimih kah khohnin thai neh ka mael uh eh. 5:22 Kaimih taengah a nah la na thintoek tih kaimih he nan hnawt nan hnawt mai.