Library · hlt

Nehemiah 7

7:1 Vongtung te a sak phoeiah tah thohkhaih te ka buen tih thoh tawt neh laa sa khaw, Levi khaw ka khueh. 7:2 Te vaengah ka mana Hanani neh Hananiah te Jerusalem rhalmah im ah mangpa la ka uen. Anih tah oltak kah hlang la om tih Pathen te muep a rhih ngai. 7:3 Te phoeiah amih te ka uen tih, “Khohmik a saeham hil Jerusalem vongka te ah uh boel saeh. Amamih a rhaih pai vaengah thohkhaih te khai uh saeh lamtah kalh uh saeh. Jerusalem kah khosa rhoek tah amah rhaltawt ah pakhat neh a im hmai ah pakhat te rhaltawt la pai bal saeh,” ka ti nah. 7:4 Khopuei te hmatoeng lamtah sang tih len dae a khui kah pilnam tah a yol dongah im sa om pawh. 7:5 Ka pathen loh ka lungbuei ah a khueh dongah hlangcoelh rhoek khaw, ukkung rhoek khaw, pilnam khaw a khuui bangla ka coi. Te vaengah lamhma la aka mael rhoek kah rhuirhong cabu te ka hmuh tih a khuiah a daek tangtae la ka hmuh. 7:6 He tah vangsawn tamna lamkah aka mael rhoek paeng ca rhoek ni. Amih te Babylon manghai Nebukhanezar loh a poelyoe dae Jerusalem la, Judah la, amah kho la rhip mael uh. 7:7 Zerubbabel, Jeshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum, Baanah neh aka pawk Israel pilnam kah hlang hlangmi. 7:8 Parosh koca te thawng hnih ya sawmrhih panit. 7:9 Shephatiah koca rhoek ya thum sawmrhih panit. 7:10 Arah koca rhoek te ya rhuk sawmnga panit. 7:11 Pahathmoab koca ah, Jeshua neh Joab koca lamkah te thawng hnih ya rhet hlai rhet. 7:12 Elam koca rhoek te thawngkhat ya hnih sawmnga pali. 7:13 Zattu koca rhoek te ya rhet sawmli panga. 7:14 Zakkai koca rhoek ya rhih sawmrhuk. 7:15 Binnui koca rhoek te ya rhuk sawmli parhet. 7:16 Bebai koca rhoek te ya rhuk pakul parhet. 7:17 Azgad koca rhoek te thawng hnih ya thum pakul panit. 7:18 Adonikam koca rhoek te ya rhuk sawmrhuk parhih. 7:19 Bigvai koca rhoek thawng hnih sawmrhuk parhih. 7:20 Adin koca rhoek te ya rhuk sawmnga panga. 7:21 Ater koca Hezekiah lamkah te sawmko parhet. 7:22 Hashum koca rhoek te ya thum pakul parhet. 7:23 Bezai koca rhoek te ya thum pakul pali. 7:24 Hariph koca rhoek te ya hlai nit. 7:25 Gibeon koca rhoek te sawmko panga. 7:26 Bethlehem neh Netophah hlang rhoek ya sawmrhet parhet. 7:27 Anathoth hlang rhoek te ya pakul parhet. 7:28 Bethazmaveth hlang rhoek te sawmli panit. 7:29 Kiriathjearim, Kephirah neh Beeroth hlang rhoek te ya rhih sawmli pathum. 7:30 Ramah neh Geba hlang rhoek te ya rhuk pakul pakhat. 7:31 Mikmash hlang rhoek te ya pakul panit. 7:32 Bethel neh Ai hlang rhoek te ya pakul pathum. 7:33 A tloe Nebo hlang rhoek te sawmnga panit. 7:34 A tloe Elam hlang rhoek te thawngkhat ya hnih sawmnga pali. 7:35 Harim koca rhoek te ya thum pakul. 7:36 Jerikho koca rhoek te ya thum sawmli panga. 7:37 Lod, Hadid neh Ono koca rhoek te ya rhih neh pakul pakhat. 7:38 Senaah koca rhoek te thawng thum ya ko sawmthum. 7:39 Jedaiah koca, Jeshua imkhui lamkah khosoih rhoek te ya ko sawmrhih pathum. 7:40 Immer koca rhoek te thawng khat sawmnga panit. 7:41 Pashur koca rhoek te thawng khat ya hnih sawmli parhih. 7:42 Harim koca rhoek te thawng khat hlai rhih. 7:43 Jeshua koca Levi rhoek te Kadmiel lamkah, Hodaviah koca lamkah te sawmrhih pali. 7:44 Asaph koca laa sa rhoek te ya sawmli neh parhet. 7:45 Thoh tawt, Shallum koca, Ater koca, Talmon koca, Akkub koca, Hatita koca, Shobai koca rhoek te ya sawmthum parhet. 7:46 Tamtaeng rhoek te Ziha koca rhoek, Hasupha koca, Tabbaoth koca. 7:47 Keros koca, Siaha koca, Padon koca. 7:48 Lebana koca, Hagaba koca, Shalmai koca. 7:49 Hanan koca, Giddel koca, Gahar koca. 7:50 Reaiah koca, Rezin koca, Nekoda koca. 7:51 Gazzam koca, Uzzah koca, Paseah koca. 7:52 Besai koca, Mehunim koca, Nephussim kah Nephusim koca. 7:53 Bakbuk koca, Hakupha koca, Hahur koca. 7:54 Bazluth koca, Mehida koca, Harsha koca. 7:55 Barkos koca, Sisera koca, Temah koca. 7:56 Neziah koca, Hatipha koca. 7:57 Solomon kah sal koca rhoek ah, Sotai koca, Hassophereth koca, Peruda koca. 7:58 Jaala koca, Darkon koca, Giddel koca. 7:59 Shephatiah koca, Hattil koca, Pochereth Hazzebaim koca, Amon koca. 7:60 Tamtaeng rhoek neh Solomon kah sal koca rhoek te a pum la ya thum sawmko panit. 7:61 Telmelah, Telharsa, Kherub, Addon neh Immer lamkah aka mael rhoek khaw a napa imkhui neh a tiingan tah thui la lo pawh. Amih te Israel lamkah ngawn ni. 7:62 Delaiah koca, Tobiah koca, Nekoda koca rhoek te ya rhuk sawmli panit. 7:63 Khosoih rhoek lamloh Hobaiah koca, Koz koca, Barzillai koca long tah a yuu te Giladi Barzillai nu te a loh dongah amih ming la a khue. 7:64 Amih kah a khuui ca te a tlap uh dae a hmu pawt dongah khosoihbi lamloh coom uh coeng. 7:65 Te dongah khosoih loh Urim, Thummim neh a pai hlan hil hmuencim kah buhcim te caak pawt ham amih te tongmang boei loh a uen. 7:66 Hlangping pum te pakhat la thawng sawmli thawng hnih ya thum sawmrhuk lo. 7:67 Amih phoei lamloh a salpa neh a sal huta he thawng rhih ya thum sawmthum parhih lo. Amih laa sa pa neh laa sa nu rhoek khaw ya hnih sawmli panga lo. 7:68 Kalauk ya li sawmthum panga, laak thawng rhuk, ya rhih pakul. 7:69 A napa rhoek kah boeilu hmuicue lamloh tongmang boei bitat ham a paek uh. 7:70 Thakvoh khuiah sui tangkathi thawng khat, baelcak sawmnga, khosoih angkidung ya nga sawmthum. 7:71 A napa boeilu rhoek lamlong khaw bitat dongkah thakvoh khuiah sui tangkathi thawng kul, cak mina thawng hnih ya hnih a sang uh. 7:72 Pilnam a meet loh a paek te sui tangkathi thawng kul neh cak mina thawng hnih, khosoih angkidung sawmrhuk parhih lo. 7:73 Te dongah khosoih rhoek neh Levi rhoek khaw, thoh tawt rhoek neh laa sa rhoek khaw, pilnam lamkah neh tamtaeng rhoek khaw, Israel pum khaw amamih khopuei ah kho a sak uh. Hla rhih a pha vaengah Israel ca rhoek te amamih kho ah om uh.