Library · hlt

Numbers 26

26:1 Lucik a om hnukah BOEIPA loh Moses neh khosoih Aaron capa Eleazar te a voek tih, 26:2 “Israel ca rhaengpuei boeih hlangmi te tongpaca khui lamloh kum kul neh a so hang tah a napa imko neh Israel khuiah caempuei la aka cet boeih te soep laeh,” a ti nah. 26:3 Te dongah Moses neh khosoih Eleazar loh amih te Moab kolken kah Jerikho Jordan ah a voek tih, 26:4 “Tongpaca khui lamkah kum kul neh a so hang tah BOEIPA kah a uen bangla tae,” a ti nah. Moses neh Egypt kho lamkah aka coe Israel ca rhoek tah, 26:5 Israel caming Reuben lamloh Reuben koca rhoek, Enok lamloh Hanokhi koca, Pallu lamloh Pallu koca, 26:6 Khetsron lamloh Khetsron koca, Karmee lamloh Karmee koca, 26:7 Reuben koca he a soep vaengah thawng sawmli thawng thum neh ya rhih sawmthum lo. 26:8 Pallu koca lamloh Eliab, 26:9 Eliab koca la Nemuel, Dathan neh Abiram tih, Dathan neh Abiram tah Moses neh Aron aka hnuei rhaengpuei khuikah mingthang neh pang rhoi. BOEIPA taengah a hnueih uh vaengkah Korah hlangboel khuiah khaw om rhoi. 26:10 Diklai loh a ka te a ang tih amih te a dolh vaengah Korah hlangboel tah duek. Hmai loh a hlawp hlang yahnih sawmnga khaw rholik banghui la om uh. 26:11 Tedae Korah ca rhoek a duek uh moenih. 26:12 Simeon koca khaw amamih cako ah, Nemuel lamloh Nemuel koca, Jamin lamloh Jamin koca, Jakhin lamloh Jakhin koca, 26:13 Zerah lamloh Zarkhii koca, Saul lamloh Saul koca, 26:14 Simeon koca he thawng kul thawng hnih neh ya hnih lo. 26:15 Gad ca rhoek khaw amah cako ah, Zephon lamloh Zephon koca, Hakki lamloh Hakki koca, Shuni lamloh Shuni koca, 26:16 Ozni lamloh Ozni koca, Eri lamloh Eri koca, 26:17 Arod lamloh Arodi koca, Areli lamloh Areli koca, 26:18 Gad ca rhoek kah koca he thawng sawmli neh ya nga la a soep. 26:19 Judah ca rhoi he Er neh Onan dae Er neh Onan te Kanaan khohmuen ah duek. 26:20 Judah ca rhoek khaw amah koca la om uh. Shelah lamloh Shelahni koca, Perez lamloh Perez koca, Zerah lamloh Zarkhii koca, 26:21 Perez ca rhoek ah, Khetsron lamloh Khetsron koca, Hamul lamloh Hamul koca la om uh. 26:22 Amih Judah koca rhoek he thawng sawmrhih thawng rhuk neh ya nga la a soep. 26:23 Issakhar koca khaw amah cako lamtah, Tola lamkah Tola koca, Puvah lamloh Puni koca, 26:24 Jashub lamloh Jashub koca, Shimron lamloh Shimron koca, 26:25 Issakhar koca he thawng sawmrhuk thawng li ya thum la a soep. 26:26 Zebulun ca rhoek khaw amah cako lamtah Sered lamloh Sered koca, Elon lamloh Eloni koca, Jahleel lamloh Jahleel koca om. 26:27 Amih Zebulon koca rhoek he thawng sawmrhuk neh ya nga la a soep. 26:28 Joseph ca rhoek he amah cako lamtah Manasseh neh Ephraim. 26:29 Manasseh koca la, Makir lamloh Makir koca om. Te dongah Makir loh Gilead a sak tih Gilead lamloh Giladi koca la om. 26:30 Gilead ca rhoek he, Iezer lamloh Iezer koca, Helek lamloh Heleki koca, 26:31 Asriel lamloh Asriel koca, Shekhem kah Shekhemi koca, 26:32 Shemida kah Shemida koca, Hepher kah Hepher koca, 26:33 Hepher capa Zelophehad he a taengah ca tongpa om pawt tih huta rhoek dawk om. Zelophehad canu rhoek kah a ming tah Mahlah, Noah, Hoglah, Milkah neh Tirzah 26:34 Manasseh koca rhoek he khaw a hlangmi la thawng sawmnga thawng hnih neh ya rhih la a soep uh. 26:35 Ephraim ca rhoek he amah koca lamtah, Shuthela lamloh Shutheli koca, Bekher lamloh Bekeri koca, Tahan lamloh Tahani koca la om. 26:36 Shuthela ca rhoek he khaw, Eran lamloh Erani koca la om. 26:37 Ephraim ca koca rhoek he a hlangmi la thawng sawmthum thawng hnih neh ya nga la a soep uh. He rhoek he Joseph ca rhoek lamkah amih koca rhoek ni. 26:38 Benjamin kah ca lamkah amih koca rhoek he, Bela lamloh Belee koca, Ashbel lamloh Ashbeli koca, Akhiram lamloh Akhirami koca la, 26:39 Shupham lamloh Shuphami koca la, Hupham lamloh Humphami koca la om. 26:40 Bela ca rhoi Ard neh Naaman om. Ardee koca neh Naaman lamkah Naamani koca om. 26:41 Benjamin ca rhoek he amah koca ah tah a hlangmi la thawng sawmli thawng nga neh ya rhuk la a soep uh. 26:42 Dan ca rhoek he amah koca ah tah Shuham lamloh Shuhami koca la om. He rhoek ni amih koca khuiah Dan koca la aka om. 26:43 Shuhami koca boeih he a hlangmi la thawng sawmrhuk thawng li neh ya li la a soep. 26:44 Asher ca rhoek he amah koca ah tah, Imnah lamloh Imnah koca la, Ishee lamloh Jesuih koca la, Beriah lamloh Breiah koca la, 26:45 Beriah ca rhoi, Heber lamloh Herbari koca la, Malkhiel lamloh Makhiel koca om. 26:46 Asher kah canu ming tah Serah ni. 26:47 Asher ca rhoek kah koca he a hlangmi lamtah kah thawng sawmnga thawng thum neh ya li soep. 26:48 Naphtali ca rhoek he amah koca lamtah, Jahzeel lamloh Jahzeeli koca la, Guni lamloh Goni koca la, 26:49 Jezer lamloh Jezeri koca la, Shillem lamloh kah Shillemi koca la om. 26:50 Naphtali koca rhoek he amah koca lamtah a hlangmi khaw thawng sawmli thawng nga neh ya li lo uh. 26:51 Israel ca rhoek he hlangmi la thawng ya rhuk neh thawngkhat ya rhih sawmthum lo. 26:52 Te phoeiah BOEIPA loh Moses te voek tih, 26:53 “Amih te a ming tarhing ah khohmuen he rho la tael uh saeh. 26:54 Miping ham tah a rho te len sak lamtah a sii ham tah a rho te hnop pah. Hlang te a ka neh a soep tarhing ah a rho te phaeng saeh. 26:55 Khohmuen te hmulung loh dawk tael saeh lamtah a napa koca rhoek kah ming tarhing la pang uh saeh. 26:56 hmulung kah a ka tarhing ah hlangping neh hlangsi laklo ah a rho te tael saeh,” a ti nah. 26:57 Levi rhoek kah hlangmi he amah koca lamtah, Gershon lamloh Gershon koca, Kohath lamloh Kohathi koca, Merari lamloh Merari koca la om. 26:58 He Levi koca khui lamkah, Libni koca, Khebroni koca, Makhali koca, Musihe koca, Korah koca om tih Kohath loh Amram a sak. 26:59 Amram kah a yuu ming tah Levi canu Jochebed ni. Anih te Egypt ah Levi ham a cun pah coeng. Anih long khaw Amram ham Aaron, Moses neh a ngannu Miriam te a cun pah. 26:60 Aaron loh Nadab neh Abihu, Eleazar neh Ithamar a sak. 26:61 Tedae Nadab neh Abihu tah BOEIPA mikhmuh ah kholong hmai a khuen rhoi dongah duek rhoi. 26:62 Te vaengah amih kah hlangmi aka om rhoek tongpa hlakhat ca neh a so hang boeih tah thawng kul neh thawng thum la a soep uh. Tedae amih te Israel ca lakli ah rho a phaeng pawt dongah Israel ca rhoek lakli ah soep uh thil pawh. 26:63 He rhoek he Moses neh khosoih Eleazar loh a soep vaengah Jerikho Jordan kah Moab kolken ah Israel ca rhoek te a soep rhoi. 26:64 Tedae Moses neh khosoih Aaron kah a soep khui lamloh Sinai khosoek kah Israel ca rhoek a soep vaengkah hlang te tah te rhoek taengah thum pawh. 26:65 Amih te khosoek ah duek rhoe duek ham khaw, Jephunneh capa Kaleb neh Nun capa Joshua bueng pawt atah amih lamkah hlang a sueng pawt ham khaw BOEIPA loh a thui coeng dongah ni.