Psalms 124
124:1 David kah Tangtlaeng Laa Israel loh, “Mamih ham BOEIPA te om pawt koinih,” ti laeh saeh.
124:2 Hlang loh mamih taengah a tlai vaengah mamih ham BOEIPA om pawt koinih;
124:3 Mamih taengah a thintoek neh a sai vaengah mamih he a hingsai n'dolh uh ni.
124:4 Tui loh mamih n'yo vetih soklong loh mamih hinglu he a kawt pawn ni.
124:5 Lungpok tui loh mamih kah hinglu a et ni.
124:6 Amih no dongah maeh la mamih aka tloeng pawh BOEIPA te a yoethen pai saeh.
124:7 Mamih kah hinglu tah vaa bangla pael neh a hlaeh khui lamloh loeih. Pael te rhek tih mamih n'loeih uh.
124:8 Vaan neh diklai aka saii BOEIPA ming dongah mamih bomkung om.