Library · hlt

Psalms 126

126:1 Tangtlaeng laa BOEIPA loh Zion hlangsol te ham mael puei vaengah mang man bangla ka om uh. 126:2 Te vaengah mamih ka ah nueihbu neh mamih lai ah tamlung khaw bae. Te dongah namtom taengah, “He he aka saii ham khaw BOEIPA tah khuet pai,” a ti uh. 126:3 Mamih ham aka saii BOEIPA he a khuet dongah kohoe la ng'om uh. 126:4 BOEIPA aw kaimih thongtla thongla te tuithim kah sokca bangla mael sak lah. 126:5 Mikphi neh aka tawn rhoek loh tamlung neh a ah uh ni. 126:6 Cet rhoe cet tih rhah doeah cangtii rhovoep aka phuei tah a cangpa pawn doela tamlung neh ha mael rhoe ha mael ni.