Psalms 137
137:1 Babylon tuiva ah te ka ngol uh tih Zion ka poek uh vaengah ka rhap uh.
137:2 A khui kah tuirhi dongah ka rhotoeng te ka bang uh.
137:3 Kaimih aka sol rhoek kaimih te laa ol hnap n'dawt uh. Kaimih aka parhaengkung long khaw, “Zion laa te kaimih ham kohoenah neh hlai uh lah,” a ti uh.
137:4 Balae tih BOEIPA laa he kholong kho ah ka hlai uh eh?
137:5 Jerusalem nang te kan hnilh atah ka bantang kut he hnilh uh saeh.
137:6 Nang te kan thoelh pawt tih, Jerusalem te ka kohoenah somtung la ka pacuet pawt atah ka lai he ka dang la kap uh saeh.
137:7 BOEIPA aw Jerusalem tue vaengkah Edom koca rhoek loh, “A khoengim duela kingling uh kingling uh,” a ti uh te poek pah.
137:8 Hlang aka rhoelrhak Babylon nu aw, kaimih taengah na saii bangla na thaphu te namah taengah aka thuung tah a yoethen.
137:9 Na camoe rhoek te a tuuk tih, thaelpang dongah aka phop tah a yoethen.