Library · hlt

Psalms 99

99:1 BOEIPA he a manghai coeng dongah, pilnam rhoek loh tlai uh saeh. Cherubim dogah ngol tih, diklai khaw tuen saeh. 99:2 BOEIPA tah Zion ah len tih, pilnam boeih soah pomsang hang. 99:3 Na ming aka tanglue tih, a cim dongah rhih om te uem uh saeh. 99:4 Te dongah manghai kah sarhi loh tiktamnah te a lungnah tih, vanatnah la na sikim sak. Jakob khuiah khaw tiktamnah neh duengnah na saii. 99:5 Mamih kah BOEIPA Pathen he pomsang uh lamtah, a kho taengkah khotloeng cim taengah bawk uh. 99:6 Amah kah khosoih rhoek khuiah Moses neh Aron, a ming a khue khuikah Samuel, amih loh BOEIPA a khue uh vaengah, BOEIPA loh amih te a doo. 99:7 Amih te cingmai tung lamkah a voek tih, amih taengah a paek olphong neh oltlueh te a ngaithuen uh. 99:8 Kaimih kah BOEIPA Pathen namah loh amih te na doo. Amih kah khoboe te phu a loh dae amih taengah khodawk aka ngai Pathen la na om. 99:9 Mamih kah BOEIPA Pathen te pomsang uh lah . Mamih kah BOEIPA Pathen tah a cim dongah, a tlang cim ah bawk uh lah .