Library · hlt

Proverbs 9

9:1 Cyihnaak ing a im sa nawh, ak tung khqih ling hy. 9:2 Ak khqin ce him nawh misurtui ce tloeih nawh ak caboei ce phaih hy. 9:3 A bibikung nula khqi ce tyi khqi nawh, khawkkhui a sangnaak hynna cet unawh kyy uhy. 9:4 “Cyihnaak amak ta khqi boeih vebenna law lah uh,” tinawh siimnaak amak ta khqi ce khyy khqi hy. 9:5 “Law unawh taw, ka buh ai unawh kak tloeih cee misurtui ce aw lah uh. 9:6 Aw nangmih thlakqawkhqi aw qaawnaak lam ce cehtaak unawh hqing lah uh; siimnak lamawh ce cet lah uh,” ti hy. 9:7 Thlaktlai ak toel kung ing chah pyi lat nawh, thlakche ak ho kung ing kut zaawk lat hy. 9:8 Thlaktlai ce koeh toel, ni sawh na kaw, thlakcyi mah toel, anih ing ni lung na kaw. 9:9 Thlakcyi ce toel lah, a cyihnaak pung khqoet kaw; thlakcyi ce cawngpyi lah, a simnaak ing pung khqoet kaw. 9:10 Bawipa kqihchahnaak taw cyihnaak a kungpyina awm nawh, ak ciim siimnaak cetaw zaaksimnaakna awm hy. 9:11 Kaih caming na khawkum pung khqoet kawm saw, na hqingnak khawnghii ing sau khqoet kaw. 9:12 Na cyih awhtaw, namah ham nak cyina awm kawm saw, thlaktlaina na awm awhtaw namah ing zaawk kawp ti. 9:13 Nukche ing akut am khoem poek nawh, a khawboe see nawh, am cyi hy. 9:14 A im chawmkengawh ngawi nawh, khawkkhui hynsang ngawihnaak awhce ngawi nawh, 9:15 A mimah lamawh ak cet khqi ce khy khqi nawh, 9:16 “Khaw amak simkhqi boeih vena law seh,” ti nawh khyy hy. Siimthainaak amak ta khqi venawh bai, 9:17 “Quuk tui taw aawi dikdik nawh, quuk buh ai taw aawp hy,” ti hy 9:18 Cehlai cawhce thihnaak awm nawh a cei ak thlangkhqi ing Ceeikhui dung soeihna amik awm ni ti am sim uhy.