Library · hlt

Psalms 114

114:1 Izip qam awhkawng Israel a law awh, qapchang amsim awi ak paukhqi a venawh kawng Jakob ipkhuikaw a law awh, 114:2 Judah ce Khawsa hun ciim na coeng nawh, Israel ce amah a ukkung na awm hy. 114:3 Tuicun ing toek nawh cen hy, Jordan tui a hu na hlat tlaih hy; 114:4 tlangkhqi ing tumcaikhqi amyihna, tlangkhqi ing tuucakhqi amyihna pet doep doep uhy. 114:5 Aw tuicun nang, kawtih cen nawh, Aw Jordan long nang, kawtih hu na nang hlat tlaih, 114:6 nangmih thlangkhqi, kawtih tumcaikhqi amyihna, nangmih tlangkhqi, kawtih tuu cakhqi amyihna naming pet doep doep? 114:7 Aw khawmdek, Bawipa haiawh, Jakob Khawsa haiawh thyn lah, 114:8 anih ing lungnu ce tui im na coeng sak nawh, lunkqil ce lawngca tui na lawng sak hy.