Library · hlt

Psalms 120

120:1 Ka khuikha awh Bawipa ce khy nyng saw, anih ing nim hlat law hy. 120:2 Aw Bawipa, qaai ak kqawn huikhqi ingkaw qaai kqawn na ak nget laikhqi anglakawhkawng ni hul lah. 120:3 Aw qaai kqawn na ak nget hui lai nang, nang ak khan awh anih ing ikaw a sai kaw, cekcoengawh ikaw ak awm bai? 120:4 Kaw ak awmkhqi a la sumkhqi ing nang ce ni toel kawmsaw, imnawt thing mai alh ing ni toel kaw. 120:5 Kedar awhkaw hi im anglakawh awm nawh, Meshqek awh ak awm ve kai aham khaw map mah hy! 120:6 Roepnaak ak sawhnaak thlang anglakawh ka awm ve sang soeih hawh hy. 120:7 Kai taw qoepnaak ak ngaih thlang na awm nyng; cehlai awi kak kqawn awh, qaal thawh aham ngaih lat uhy.