Library · hlt

Psalms 124

124:1 Bawipa mah ningnih benna ama awm mai mantaw – Israelkhqi ing kqawn seh – 124:2 Bawipa mah ningnih benna ama awm mai mantaw, thlangkhqi ing ningnih ani tuk khqi awh, 124:3 cekkhqi ing ningnih ak khan awh amik kaw a so awh; ningnih ce a hqing na nik daih khqi hawh kaw; 124:4 tuibau ing ningnih ce ni sing malh kawmsaw, tuibak ce ningnih ak khan na tho hawh kaw, 124:5 tuibau tha ak awm ing ningnih ce ni zawn khqi hawh kaw. 124:6 Cekkhqi a ha ing ningnih am choek nawh, Bawipa venawh thangleeknaak awm seh. 124:7 Pha a ham dawng ak dunkung ak dawng awhkawng a hlawng pha amyihna ningnih taw ni awm uhy; dawnkhqui ce boet nawh, ningnih ce ni loet uhy. 124:8 Ningmih bawmnaak taw dek ingkaw khan ak saikung, Bawipang ming awh ni a awm.