Library · hlt

Psalms 137

137:1 Babylon long keng awh ngawi unyng saw Zion ce ka mik poek awh kqang unyng. 137:2 Cawh tuiqi awh tingtoeng ce hoei unyng, 137:3 cawh kaimih anik tukhqi ing laa sak aham ni ceei khqi hy, kaimih anik thekhanaak thlangkhqi ing zeelnaak laa sak aham ni ngaih hy, “Zion a laa pynoet awh sa law lah uh ee!” ni tinak khqi hy. 137:4 Ikawmyihna thlang a qam na Bawipa a laa ce ka mi sak thai kaw? 137:5 Aw Jerusalem, nang ce ka ni hilh awhtaw kak tang ben kut ing a simnaak hilh poe lawt seh. 137:6 Nang amni sim voel nyng saw, ka zeelnaak soeih Jerusalem, nang ce am ka nik poek voel hawh awhtaw, kam lai ing dangkhyl na bet qu qap seh. 137:7 Aw Bawipa, Jerusalem a zawk nyn awhkaw Edomkhqi ing ik-oeih ami sai ce, sim loet lah. “Hre bang tlang, tung nang lingnaak dyna phu bang tlang uh!” tinawh amik khy ce. 137:8 Aw Babylon canu, ak plawci hly kawi, kaimih ak khan awh ik-oeih na sainaak amyihna, nang ak khan awh ik-oeih ak thung lawkhqi zeel kawm uh – 137:9 na naacakhqi ce amim tu law coengawh lung khawng na kawm uh.