Library · kac

Psalms 120

120:1 Ngai ru tsang hkrum nga ai shaloi, dai Madu hpe ngai shaga ai hte ngai hpe shi htan ya ni ai. 120:2 Madu e, masu magaw ai masha ni hte hkalem hkalau chye ai masha ni a lata kaw nna ngai hpe hkye hkrang la e. 120:3 Masu magaw masha ni e, nanhte hpe Karai Kasang hpa galaw na rai nga a ta? Shi nanhte hpe gara hku ari jaw na rai nga a ta? 120:4 Hpyenla wa a masen ai pala ni, hkyeng kahtet nga ai nhprang wan n-ga ni hte ari jaw na ra ai! 120:5 Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai. 120:6 Ngai gaw ngwi pyaw sim sa lam hpe n dawng nga ai masha ni hte nau wa na hkra, nga kau se ai! 120:7 Ngwi pyaw sim sa lam hpe ngai tsun yang, shanhte majan gasat na lam hpe tsun ma ai.