Psalms 23
23:1 Dai Madu gaw sagu rai nga ai ngai hpe rem ai wa rai nga ai; ngai hta ra kadawn ai lam yawng mayawng hpe ngai hkam la lu nga nngai.
23:2 Tsit lali ai tsingdu pa layang ni hta shi ngai hpe ban sa shangun nna; sim sa san tsawm ai hka nawng de shi ngai hpe woi sa wa ai.
23:3 Shi gaw ngai hpe n-gun atsam ningnan jaw ya nga ai. Shi ga sadi jaw da sai hte maren, ding man ai lam ni hta shi ngai hpe lakawn wa nga ai.
23:4 Sung htum ai nsin hta ngai lai hkawm mat wa ti mung; nang ngai hte rau nga nga ndai majaw, Madu e, ngai hkrit na nngai n rai. Hpa majaw nga yang, na a sagu rem daw hkrawng hte sumdoi gaw ngai hpe makawp maga ya nga ai.
23:5 Nye a gumlau hpyen ni yawng ngai hpe mu mada lu ai shara hta; nye a matu sha ku nang lajang da ya nga ndai. Nang gaw ngai hpe shagrau sha-a hkrum ai manam langai mi hpe zawn hkalum la nga ndai, nye a gawm hpe nten dem rai hkra jahpring ya nga ndai.
23:6 Na a mai kaja ai lam hte tsaw ra myit gaw nye a asak prat tup hta ngai hte rau nga nga na ra ai gaw ngai chye nga nngai, na a nta gaw prat dingsa na nye a shanu shara tai na ra ai.