Library · kac

Psalms 92

92:1 Madu hpe chyeju dum shakawn nna Tsaw Htum ai Karai Kasang a hpung shingkang arawng sadang hpe mahkawn mangoi let, 92:2 mahku pyaw ai tingse, sumri rawng ai madum sumpyi ni hte jahpawt manap shagu na a dinggrin tsaw ra myit hte shana shagu na a sadi sahka lam ni hpe htawn tsun dan ai gaw, kade wa mai kaja nga a hka! 92:4 Madu e, na a mauhpa magam amu ni gaw ngai hpe kabu shangun nga ai; nang galaw da sai bungli ni a majaw ngai kabu gara mahkawn shakawn nga nngai. 92:5 Madu e, na a amu ni gaw kade wa galu kaba nga a hka! na a myit sawn ai lam ni mung kade wa sung nga a hka! 92:6 Angawk ai masha wa n chye lu ai hte hpaji n rawng ai masha wa myit n hkawn lu ai lam baw mi nga nga ai. 92:7 Tara n lang ai ni gaw tsingdu ni zawn tu wa lu nna, shut hpyit ai amu galaw let ngamu ngamai lu ma ti mung; shanhte yawng hte gaw tsep kawp jahten kau ai hkrum na mara ai. 92:8 Madu e, nang chyawm gaw htani htana agrau nga ai wa rai nga ndai. 92:9 Na a gumlau hpyen ni si mat wa na mara ai hte; tara n lang ai ni yawng hte mung, sum mat ai hkrum na mara ai gaw, anhte chye nga ga ai. 92:10 Nang gaw ngai hpe hpaw lam zawn n-gun shaja ya nna; ngai hpe kabu gara ai hte nang shaman ya nit dai. 92:11 Nye a gumlau hpyen ni sum mat ai hpe ngai mu lu se ai hte; tara n lang ai masha ni a hkrap shabam ai nsen ni hpe na lu se ai. 92:12 Ding hpring ai masha ni gaw namhtan hpun ni zawn bawng ring wa nna; Lebanon a arit hpun ni zawn shanhte tu kaba wa na mara ai. 92:13 Dai ni gaw Madu a nta hta hkai da nna, anhte a Karai Kasang a Htingnu hta lali tsawm nga ai hpun ni hte bung nga ma ai. 92:14 Dai hpun gaw hpundaw wa ai aten hta pyi asi naw si nna; tut nawng e tsit lali nga ai hte ja kat nga ai. 92:15 Ngai hpe makawp maga ai Madu gaw ding man nga nna; shi hta hpa mung hkum tsup nga ai lam hpe madun dan nga ai.