Numbers 2
2:1 Dai Madu gaw Mawshe yan Arun hpe amyu masha ni hkan sa na matsun maroi ga ni jaw ya wu ai.
2:2 Israela amyu masha ni dap sharawt ai shaloi langai hte langai gaw tinang nang a hpung hte seng ai dawnghkawn hte tinang nang a amyu lakung dawnglap npu e sharawt na rai ma ai. Dai dap dabang ni gaw Sum a grup yin hta but nga na rai ma ai.
2:3 Sinpraw maga na Yuda hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: Yuda Aminadab a kasha Nashon 74,600 Yisahka Zua a kasha Nehtanela 54,400 Zebulun Helon a kasha Eliaba 57,400 Yawng: 186,400 Ndai ni gaw yawng a shawng numshawn pru na Yuda hpung ni rai ma ai.
2:10 Dingda maga na Rubin hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: Rubin Shedura a kasha Elizura 46,500 Simun Zurishadi a kasha Shelumila 59,300 Gad Duela a kasha Eliasap 45,650 Yawng: 151,450 Ndai ni gaw lahkawng ngu na hta hkan na Rubin hpung ni rai ma ai.
2:17 Dai hpang, shawng na hpung lahkawng hte hpang e hkan ai hpung lahkawng a lapran hta Sum hpai ai Lewi amyu ni hkan ma ai. Shanhte gaw dabang but yang na zawn hpung shagu gaw tinang nang a dawnghkawn npu hta hkan sa na rai ma ai.
2:18 Sinna maga na Ehprim hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: Ehprim Amihu a kasha Eliashama 40,500 Manashe Pedazura a kasha Gamale 32,200 Benyamin Gidoni a kasha Abidan 35,400 Yawng: 108,100 Ndai hpung ni gaw masum ngu na hta hkan nang na Ehprim hpung ni rai ma ai.
2:25 Dingdung maga na Dan hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: Dan Amishadi a kasha Ahiza 62,700 Ashe Ohkran a kasha Pagila 41,500 Naphtali Enan a kasha Ahira 53,400 Yawng: 157,600 Ndai Dan a hpung ni gaw hpang jahtum hta hkan nang na rai ma ai.
2:32 Shing rai hpung hte hpung, amyu bawsang hte bawsang hku hkan nna jahpan bang lawm ai Israela amyu masha ni yawng gaw 603,350 rai nga ai.
2:33 Dai Madu gaw Mawshe hpe hkang da nu ai hte maren, Lewi masha ni hpe kaga Israela amyu masha ni hpe zawn jahpan hta n shalawm da nga ai.
2:34 Dai rai nna dai Madu gaw Mawshe hpe hkang da nu ai hte maren, lam magup hpe Israela amyu masha ni galaw ma ai rai nna tinang nang a dawnghkawn npu hta shanhte dabang but nhtawm tinang a amyu lakying hku hkan nna shanhte rawt hkawm sa ma ai.