Library · lus

1 Chronicles 24

24:1 Tin, Arona fapate pawl then dan chu hetiang hi a ni. Arona fapate chu Nadaba te, Abihua te, Eleazara te, Ithamara te an ni. 24:2 Nadaba leh Abihau erawh chu an pa aiin an thi hmasa a, fa an nei lo; chuvangin Elazara leh Ithamara chuan puithain hna an thawk a ni. 24:3 Tin, Davida'n Elazara fapa Zadoka leh Ithamara fapa Ahimeleka te nen an rawnbawl dan tur a semsak a. 24:4 Tin, Ithamara thlahte ai chuan Elazara thlah puipaa tang an tam zawk a; hetiang hian an then a: Eleazara thlaha mi, chhungkaw puipa sawm leh paruk an ni a; tin, Ithamara thlaha mi, chhungkaw puipa pariat an ni. 24:5 Chutiang chuan thumvawrin, ai khata luangin an then a; Eleazara thlaha mi leh Ithamara thlaha mite zingah, hmun thianghlima mi liante leh Pathian mi liante an awm ve ve si a. 24:6 Tin, Levi mi, lehkhaziaktu Nethanela fapa Semaian lal te, mi lianho te, puithiam Zadoka te, Abiathara fapa Ahimeleka te, puithiamho leh Levi-ho chhungkaw puipate mithmuhah chuan a ziak a; chhungkaw puipa pakhat chan chu Eleazara chungah a tlu a, pakhat chu Ithamara chungah a tlu a. 24:7 Tichuan thumvawr vawi khatna chu Jehoiariba chungah a tlu a, vawi hnihna chu Jedaia chungah; 24:8 vawi thumna chu Harima chungah, vawi lina chu Seorima chungah, 24:9 vawi ngana chu Malkija chungah, vawi rukna chu Kihamina chungah; 24:10 vawi sarihna chu Hakoa chungah vawi riatna chu Abija chungah; 24:11 vawi kuana chu Jesua chungah, vawi sawmna chu Sekania chungah; 24:12 vawi sawm leh vawi khatna chu Eliasiba chungah, vawi sawm leh vawi hnihna chu Jakima chungah; 24:13 vawi samw leh vawi thumna chu Hupa chungah, vawi sawm leh vawi lina chu Jesebeaba chungah; 24:14 vawi sawm leh vawi ngana chu Bilga chungah, vawi sawm leh vawi rukna chu Imera chungah; 24:15 vawi sawm leh vawi sarihna chu Jezira chungah, vawi sawm leh vawi riatna chu Hapizeza chungah; 24:16 vawi sawm leh vawi kuana chu Pethahia chungah, vawi sawm hnihna chu Jehezkela chungah; 24:17 vawi sawmhnih leh vawi khatna chu Jakina chungah,v awi sawmhnih leh vawi hnihna chu Gamula chungah; 24:18 vawi sawmhnih leh vawi thumna chu Delaia chungah, vawi sawmhnih leh vawi lina chu Maazia chungah, 24:19 Chu chu LALPA, Israelte Pathianin an pu Arona thu a lo pek, Pathianin an pu Arona thu a lo pek, LALPA in chhunga rawng an bawl dan tur a lo ruat dan chu a ni. 24:20 Tin, Levia thlah dangte zinga mi chu: Amrama fate zingah chuan Subaela a ni; Subaela fate zingah Jedeia. 24:21 Rehabia lama chuan: Rehabia-hote zingah puipa Isia. 24:22 Izhar-ho zingah Selomotha; Selomotha fate zingah Jahatha. 24:23 Tin, Hebrrona fate chu a upa ber Jeria a ni a, a chhang Amaria, a chhang leh Jahaziela, a chahgn leh Jekameama a ni. 24:24 Uziela fate zinga mi Mika; Mika fate zinga mi Samira a ni. 24:25 Mika unaupa chu Isia a ni a; Isia fate zinga mi Zekaria, 24:26 Meraria fate chu Mahlia leh Musia an ni: Jaaiza fate zinga mi Benoa a ni. 24:27 Meraria thlahte chu Jaazia lakah Benoa te, Sohama te, Zakura te, Ibria te an ni. 24:28 Mahlia lakah, Elazara a ni a, ani chuan fapa a nei lo. 24:29 Kisa lakah chuan Kisa fapa Jarameela a ni. 24:30 Tin, Musia thlahte chu Mahlia te, Edera te, Jerimotha te an ni. Chungte chu Levi ho thlahte zinga an chhungkaw puipate chu an ni.Anni pawh chuan Arona fa a n unaute ang bawkin, lal Davida te, Zadoka te, Ahimeleka te, puithiamho leh Levi-ho chhungkaw pipate mithmuhah thum an vawr ve bawk a; chhungkaw puipa ber an unaute pawh ai khata luangin. 24:31 Anni pawh chuan Arona fa a n unaute ang bawkin, lal Davida te, Zadoka te, Ahimeleka te, puithiamho leh Levi-ho chhungkaw pipate mithmuhah thum an vawr ve bawk a; chhungkaw puipa ber an unaute pawh ai khata luangin.