Library · lus

1 Chronicles 4

4:1 Juda fapate chu Pereza te, Hezrona te, Karmia te, Hura te, Sobala te an ni. 4:2 Tin, Sobala fapa Reaian Jahatha a hring a; tin, Jahathan Ahumaia leh Lahada a hring a, chung chu Zorat-ho hnamte an ni. 4:3 Tin, Etama pa fapate chu Jezreela te, Isma te, Idbasa te an ni; tin, an farnu hming chu Hazelelponi a ni; 4:4 tin, Gedora pa Penuela leh Husa pa Ezera an ni. Chungte chu Bethlehema pa, Ephrathi fatir, Hura thlahte an ni. 4:5 Tin, Tekoa pa Asuran nupui pahnih Heli leh Nari a nei a. 4:6 Tin, Nari chuan Ahuzama te, Hephera te, Temenia te, Hahastaria te a hrinsak a. Chungte chu Nari fapate an ni. 4:7 Tin, Heli fapate chu Zeretha te, Izhara te, Ethnana te an ni. 4:8 Tin, Hakozan Anuba te, Zobeba te, Haruma fapa Aharhel-ho thlahte a hring a. 4:9 Tin, Jabeza chu a unaute aia mi zahawm a ni. A nu chuan, "Lungngai chunga ka hrin a ni a," tiin a hmingah Jabeza a ti a ni. 4:10 Tin, Jabeza chuan, "Aw, mal mi sawm ngei ngei la, ka ramri hi mi zauh la, i kut chuan mi awmpuiin lungngaihna ka chungah a thlen lohna'n sual lak ata mi thiar fihlim ang che," tiin Israelte Pathian chu a au a. Tichuan Pathianin a thil dil chu a hlawhtlintir a. 4:11 Tin, Suha unaupa Keluban Mehira a hring a, chu mi chu Estona pa a ni. 4:12 Tin, Estona chuan Beth-rapha te, Pasea te, Ir-nahasa pa Tehina te a hring a. Chungte chu Reka-hote an ni. 4:13 Tin, Kenaza fapate chu Othniela leh Seraia an ni a: tin, Othniela fapa chu Hathatha a ni. 4:14 Tin, Meonothaian Ophra a hring a; tin, Seraian Geharasim-ho thlahtu Joaba a hring a: chu mite chu kut themthiam mi an ni. 4:15 Tin, Jephunea fapa Kaleba fapate chu Irua te, Ela te, Naama te an ni a: tin, Ela fapa chu Kenaza a ni. 4:16 Tin, Jehalela fapate chu Zipa te, Zipha te, Tiria te, Asarela te an ni. 4:17 Tin, Ezra fapate chu Jethera te, Mereda te, Ephera te, Jalona te an ni; tin, Pharaoa fanu Bithiaii Mereda nupui fapate chu Miriama te, Samaia te, Estemoa pa Isba te an ni. 4:18 Tin, a nupui Juda hmeichhiain Gedora pa Jereda te, Sokoa pa Hebera te, Zanoa pa Jekuthiela te a hring a. 4:19 Tin, Nahama farnu Hodia nupuia fapate chu Garm-ho thlahtu Keila pa leh Maakat-ho thlahtu Estemoa an ni. 4:20 Tin, Simona fapate chu Amnona te, Rina te, Benhanana te, Tilona te an ni. Tin, Isia fapate chu Zohetha leh Ben-zohetha an ni. 4:21 Juda fapa Sela fapate chu Leka pa Era te, Maresa pa Laada te, Asbea-ho puan zai sin siamtuhote an ni a; 4:22 tin, Jokima te, Kozeba-ho te, Joasa te, Sarapha, Moab rama rorela awma, chu mi hnua Jasubi-lehem-a awm taa te kha an ni. 4:23 Chung thu ziak chu hmasanga mi a ni. Chungho chu bel vawtu, Netaim leh Gedera khuaa awm an ni a: lal hnenah a hna thawkin an awm a ni. 4:24 Simeona fapate chu Nemuela te, Jamina te, Jariba te, Zera te, Saula te an ni; 4:25 Saula fapa chu Saluma a ni a, chu mi fapa chu Mibsama a ni a, chu mi fapa chu Misma a ni. 4:26 Tin, Misma fapa chu Hamuela a ni a; chu mi fapa chu Zakura a ni a, chu mi fapa chu Simeia a ni. 4:27 Tin, Simeia chuan fapa sawm leh paruk leh fanu paruk a nei a; a unaute erawh chuan fa an ngah ve lo a, Juda thlahte angin an thlahte pawh an pung ve lo. 4:28 Beer-seba-ah te, Molada-ah te, Hazar-sual-ah te an awm a, 4:29 Bilha-ah te, Ezem-ah te, Tolad-ah te, 4:30 Bethuel-ah te, Horma-ah te, Ziklag-ah te, 4:31 Bethmarkaboth-ah te, Hazar-susim-ah te, Beth-biri-ah te, Saraim-ah te pawh. Chungte chu Davida lal thlenga an khawpuite chu a ni. 4:32 Tin, an khua chu khaw nga, Etam te, Ain te, Rimon te, Token te, Asan te a ni: 4:33 tin, chu mi vela khaw te zawng zawng baal thlengin a ni. Chungte chu an chenna a ni a, an thlahtute thu ziakna an kawl bawk. 4:34 Tin, Mesobaba te, Jamleka te, Amazia fapa Josa te, 4:35 Joela te, Josibia fapa lohua te, (chu mite pa chu Adiela fapa Seraia a ni a) 4:36 Elioenaia te, Jakoba te, Jesohaia te, Asaia te, Adiela te, Jesi-miela te, Benaia te, 4:37 Siphia fapa Ziza te, (Chu mite pa chu Allona a ni a, chu mi chu Jedaia fapa ani a, chu mi chu Simria fapa a ni a, chu mi chu Semaia fapa a ni a.) 4:38 Chung an hming an lamte chu an chhungkaw puipate an ni a; an chhungkua chu nasa takin an lo pung ta a. 4:39 Tin, Gedor luhnaah, ruam chhak lampang thlengin an ran rualte tlatna tur zawngin an kal a. 4:40 Tin, ran tlatna hnim tui tak tak leh tha tak tak an hmu a, a ram chu a zauin a reh a, ralmuanawm tak a ni; a hmaa lo awmte chu Hama thalhte an ni a. 4:41 Tichuan chung an hming an ziakate chu Judai ram lal Hezekia lal lai khan an lut a, an puan inte leh chutih laia Meunim-ho lo awm te chu an tiboral vek a, tun thlengin; an hmun chu an luahsak a; an ran rual tan tlatna a awm avangin. 4:42 Tin, thenkhat Simeona fapateho, mi zanga lai Seir tlangah an kal a, an hotu atan Isia fapa Pelatia te, Nearia te, Rephaia te, Uziela te an hmang a.Tichuan Amalek-ho hnam tlan bo la awmte kha an hneh a, tun thlengin chutah chuan an awm ta a. 4:43 Tichuan Amalek-ho hnam tlan bo la awmte kha an hneh a, tun thlengin chutah chuan an awm ta a.