Library · lus

Ezra 1

1:1 Persia lal Kura lal tirh kumin zawlnei Jeremia hmanga a lo sawi tawh chu LALPA'n a thlen kimtir ta. He thupek pe tur leh a ram zawng zawnga chhiar vek tura thawn chhuak turin LALPA chuan Kura thinlung chu a chawk tho a. 1:2 "Persia lal Kura chuan heti hian a ti, Khawvel ram zawng zawng chu LALPA, van Pathian chuan min pe ta a; tin, Judai rama Jerusalem-ah chuan a in saksak turin thu min pe a ni. 1:3 In zinga ama mite tawh phawt hnenah chuan a Pathian chu awm rawh se; tichuan Judai rama Jerusalem-ah chuan han chho se la, LALPA, Israel-hote Pathian in, Jerusalem-a awm chu han sa rawh se; amah chu Pathian a ni. 1:4 Tin, tupawh khawii hmunah pawh, an awmnaa la chambang apiangte chu, an awmna hmuna mite chuan Jerusalem-a awm Pathian in atan anmahni duh thua an thawh tiam lohin, tangkarua te, rangkachak te, bungrua te, ran tein lo tanpui rawh se," tiin. 1:5 Chutichuan Juda leh Benjamin chia chhungkaw puipa deuh deuhte, puithiam te, Levi-ho te, Jerusalem-a LALPA in han sa tura Pathianin an thinlung a chawh thawh zawng zawngte chu an thawk ta a. 1:6 Tin, anmahni duhthua thawh thiam loin an vela mi zawng anwgte chuan tangkaruaa siam bungbel te, rangkachak te, bungrua te, ran te, thil hlu tak takte an pein, an tanpui a. 1:7 Lal Kura pawhin Nebukadnezaran LALPA ina bungbel Jerusalem atanga a lak chhuah a,a pathiante ina a dahte chu a la chhuak leh a; 1:8 chung ngei chu Persia lal Kura chuan a vawngtu Mithredatha a lak chhuahtir a, a chhiar a, Juda puipa Sesbazara a hlan a. 1:9 Tin, he'ng hi a zat chin chu a ni: rangkachak maihun sawmthum, tangkaraw maihun sang, chemte sawmhnih leh pakua; 1:10 rangkachak no sawmthum, tangkaraw no chi dang zali leh sawm, bungbel dang sang te nen.Rangkachak leh tangkaraw bungbel zawng zawng chu sangnga leh zali a ni. Salte chu Babulon ata Jerusalem-a an hruai chhoh lai khan Sesbazaran he'ng zawng zawng hi a keng chho a. 1:11 Rangkachak leh tangkaraw bungbel zawng zawng chu sangnga leh zali a ni. Salte chu Babulon ata Jerusalem-a an hruai chhoh lai khan Sesbazaran he'ng zawng zawng hi a keng chho a.