Job 13
13:1 En che u, he'ng zawng zawng hi ka mitin a hmu a,Ka bengin a hria a, a hre thiam a ni.
13:2 In hriat chu ka hre ve bawk e,In lakah ka neu bik lo e,
13:3 Mahse, engkimtitheia hnenah chuan sawi ngei ka duh a,Pathian nena ngaihtuah dun ka chak a ni.
13:4 Nangni, dawt phuahchawptu in ni a,In zain daktawr hlu lo in ni e.
13:5 Ngawi hmiah mai teh u la aw!Fin in hlawh zawk tur.
13:6 Ka ngaihtuah dan ngaithla u la,ka dilna kam chhuak bengkhawn rawh u.
13:7 Pathian tan khawlo takin in tawng ang maw?A tan dawtin in tawng ang maw?
13:8 Amah tanin hleih in neih ang maw?Pathian tan in pawng tan dawn em ni?
13:9 Zawng chhuak che u se la, a tha dawm em ni? Miin mihring a bum angin amah in bum dawn em ni?
13:10 A ruka hleih in neih chuan A zilhhau ngei ang che u.
13:11 A ropuina chuan a tihlau lo ang che u maw? A tihbaiawmna in chungah a tla lo vang maw?
13:12 In upa thute chu thufing vaivut mai ani a,In invennate chu invenna hlum mai a ni.
13:13 Ka tawng theihna'n lo ngawi teh u,Ka chungah engpawh lo thleng ang hmiang.
13:14 Ka tisa hi ka hain ka pet ang a,Ka nun hi ka kutah ka dah em ni?
13:15 Mi tihlum hila mah se la, amah chu ka nghak cheu vang:Mahse, a hmaah ka kawng chu ka tan ang.
13:16 Hei hi ka chhandamna ani a,A hmaah Pathian hre lo mi an lo kal dawn loh hi.
13:17 Ka sawi hi ngun takin ngai u la,Ka puan chhuah hi in bengah lut rawh se.
13:18 Ngai teh u, ka thu ka rem fel tawh a,Thiam ka chang ang tih ka hria.
13:19 Tunge mi hnialtu tur awm?Tichuan, ka ngawi ang a, thlarau ka thlah mai ang.
13:20 Ka chungah thil pahnih hi ti lo phawt la,Tichuan, i hmel lakah ka inthup lo vang:
13:21 Ka hnen ata i kut la kir daih la,I tihbaiawmna hian mi tihlau suh se.
13:22 Tichuan, mi ko la, ka chhang ang che,A nih loh leh, kei tawng i la, kmi chhang thung ang che.
13:23 Ka khawlohna leh sualnate engtia tam nge ni? Ka bawhchiatna leh ka sualna mi hriattir rawh.
13:24 Engah nge i hmel i thup a,I hmelmaa mi ngaih le?
13:25 Hnahthel leng chu i chaih buai dawn em ni? Buhpawl ro chu i um dawn em ni?
13:26 Ka chungah na takin i ziak a, Ka tileirawl lai khawlohnate mi phurhtir a.
13:27 Ka keah kawl mi buntir a, Ka kawng zawng zawng i chhinchhiah a, Ka kephah hualin ramri i kham a,Thil mawih tawih ral mai ang leh, Silhfen, thim ei ang lek ka ni chung hian.
13:28 Thil mawih tawih ral mai ang leh, Silhfen, thim ei ang lek ka ni chung hian.