Job 17
17:1 Ka thlarau a rawih ta, ka nite a ral ta, Ka chapual chu thlan a ni ta.
17:2 Nuihsantute ka hnenah an awm zawng a nih hi, An thu thin tiurah huan ka mit a fu a.
17:3 I hnenah ka tan thutiam siam teh, Tunge ka tan zakhamna ni ang?
17:4 Hriat thiamna lakah an thinlung i thup a; Chuvangin, anni zawng i chawisang lo ang.
17:5 Hlawkna atana a thian thlauthlatua chu, A fate mit pawh a chuai ang.
17:6 Mite zinga kamram mai atan mi siam a, Tenawm langsar tak ka lo ni ta.
17:7 Lungngaih vangin ka mit pawh a thim a, Ka bung zawng zawng hi hlimthla ang a lo ni ta.
17:8 Mi ngil takte chuan hei hi mak an ti ang. Mi pawikhawih lo chu pathian nei lote chungah a thinur ang.
17:9 Mi fel chuan a kawng ngai a chelh tlat a, Kut fai nei chu a chak deuh deuh ang.
17:10 In zain lo kir u la, lo kal teh u, In zingah mi fing ka hmu chuang lo ang.
17:11 Ka nite a liam ta, ka thil tumte a thlawn zo ta, Ka thinlung ngaihtuah thinte ngei chu.
17:12 Zan chu chhunah a chantir a; Eng chuan thim a hnaih e, an ti a.
17:13 Seol chu ka in anga ka en a, Thim hnuaiah ka khum ka dawh a,
17:14 Chhiatna hnenah, "Ka pa i ni" ka tih a, Changpat hnenah, "Ka nu leh ka farnu in ni" ka tih chuan,
17:15 Ka beisei chu khawiah nge? Ka beisei chu tu nge hmu ang?Seol kawngkaah a chhuk ang a, Vaivutah kan chhuk dun ang.
17:16 Seol kawngkaah a chhuk ang a, Vaivutah kan chhuk dun ang.