Job 21
21:1 Tin, Joba chuan a chhang a, heti hian a ti a:
21:2 Ka thusawi hi ngun takin ngaithla teh u, Hei hi in thlamuanna thu chu ni rawh se.
21:3 Mi ngaichang u la, ka han sawi phawt ang a, Ka sawi zawhah la nuihsan ang che u.
21:4 Keia phunnawina hi mihring chungah em ni? Dawhthei rual ka ni em ni?
21:5 Mi en u la, mak ti u la, kutin ka hup rawh u.
21:6 Ka han ngaihtuahin ka mang a ang a, Hlauhnain ka thauvah mi a man thin.
21:7 Eng tizia nge mi suaksualte chu an nun a, An lo upat a, a ni, an lo hmuingil theih ni?
21:8 An chi thlahte chu an henah an mithmuhah a tinghet a, An rila rahte chu an hmai hmaah.
21:9 An in lote chu hlauhawm lakah a him a, Pathian tiang chu an chungah a tla hek lo.
21:10 An bawngpain chi a thlah a, a pelh ngai lo a, An bawngpuiin no a nei a, a chhiat ngai lo a,
21:11 Ran rual angin an fanaute na chhuahtir a, An fate chu an tualchai a.
21:12 An perhkhuang leh tingtang remin an zai a, An phenglawng thawmah an hlim za a.
21:13 An nite chu neinung takin an khawhral a, Seolah chuan thlamuang takin an liam a,
21:14 Tin, Pathian hnenah, "Min kalsan rawh, I kawngte hriat hi kan chak lo e,
21:15 Engkimtitheia chu eng nge a nih, a rawng kan bawlna tur chu, A hnenah kan tawngtaiin hlawkna eng nge kan hmuh ang?" an ti a.
21:16 A! an sum leh pai an kuta awm lo ni lo, Mi sualsualte remruatna chu ka lakah a hla a ni.
21:17 Mi suaksual meichher chu vawi engzat meuh nge a mih a, Vanduaina a chunga a thlen a, A thinurnain Pathianin lungngaihna a pek hlawm?
21:18 Vawi engzat nge buhpawl thliin a chhem ang an nih a, Favai thlipui len bo ang an nih?
21:19 Pathianin khawlohna an fate tan a dah, in ti a, Anmahni chungah thlentir ang hmiang, an hriat theihna'n.
21:20 Anmahni mit ngeiin an chhiatna chu hmu se, Engkimtitheia thinurna chu in an hmiang.
21:21 A bo hnuah a in chu a tan eng nge a nih, A thla zat tihtawp a nih hun chuan?
21:22 Pathian tu nge hriatna zirtir ang? Mi chungnungte pawh rorelsaktu chu?
21:23 A vanglai takin mi a thi a, Muang tak leh nuam taka awmin.
21:24 A taksa chu thauin a khat a, A ruh thling pawh a hnawng a ni.
21:25 Tin, mi dang lungngai takin a thi a, Thatna reng reng tem ngai loin.
21:26 Vaivutah ang khatin an mu a, Changpatin a bawm khat hlawm a.
21:27 Ngai teh, in ngaihtuahte zawng ka hria alawm, Dik lo taka ka chunga in phiarte chu.
21:28 Khawnge hotu in chu a awm? Mi suaksual chenkualna puan in chu khawnge? in ti a.
21:29 Zin vel mite in zawt ngai lo em ni? An sawite chu in pawm lo em ni?
21:30 Mi sual chu vanduai niah zuahin a awm a, Thinur niah hruai chhuah an ni, tih hi.
21:31 Tunge a hmai hmaah a kawng chu piang ang a, Tunge a thiltih chu thungrul ang?
21:32 Thlanah kalpui a ni a, A thlan chu ven a ni a.
21:33 Lei tlang pawhin a delh na lo. Mi zawng zawngin a hnu an chhui a, A hmaa chhiar sen loh lo awm tawhte ang khan.Tichuan, engtin nge thu engmah lo tak meuha mi thlamuan dawn? In chhannaah hian dawt mai lo chu engmah a awm lo.
21:34 Tichuan, engtin nge thu engmah lo tak meuha mi thlamuan dawn? In chhannaah hian dawt mai lo chu engmah a awm lo.