Library · lus

Job 27

27:1 Tin, Joba chuan a thusawi a chhunzawm a, heti hian a ti a: 27:2 Ka thiamna thu la botu, ka thlarau tilungngaitu Pathian, Engkimtitheia chu nung na pui! 27:3 (Keimahah hian ka thaw a la kim a, Ka hnarah Pathian thaw a la cham); 27:4 Ka hmuiin fel lohna thu a phuh chuak tawp lo ang, Ka leiin bumna thu a sawi hek lo ang, 27:5 Thiam ka chantir dawn teuh lo mei che u, Ka thih thlengin ka dikna ka dah bo lo ang. 27:6 Ka felna chu ka chelh tlat ang a, ka thlah lo ang: Ka nun chhung hian ka thinlungin mi dem lo e, 27:7 Ka hmelma chu mi suaksual ni se la, Mi beitu chu mi fel lo ni teh se. 27:8 Pathian ngaihsak lo tan beiseina eng nge awm, Pathianin a sah chhuma a thlarau a lak si chuan? 27:9 Buainain a nan laiin Pathianin a au thawm a ngaithla ang em? 27:10 Engkimtitheiaah chuan a lawm ang em? Pathian chu eng lai pawhin a ko ang em? 27:11 Pathian kut chungchang ka zirtir ang che u, Engkimtitheia hnena awm chu ka zep lo ang. 27:12 Ngai ru, nangni ngeiin in vaiin in hmu a, Eng tiziaa khawlo cheu nge in nih? 27:13 Pathian hnena mi suaksual chanvo chu hei hi a ni, Hnehchhiahtute rochan, Engkimtitheia hnena an dawn chu. 27:14 A fate an pun chuan khandaih tuar tur fang an ni; A rila rahten chaw kham khawp pawh an nei lo ang. 27:15 A hnua dam chhunte chu hriin a phum ang a, An nupuite pawhin an sun lo ang. 27:16 Tangkaruate vaivut angin a khawl a, Hlum ang maiin a silhfente a tiang khawm na a; 27:17 Tiang khawm mah se, mi fel chuan a sinsak ang a, Pawikhawih lote chuan tangkarua chu an insem ang. 27:18 Maimawm angin a in chu a sa a, Vengtuin chhawl buk a siam ang lekin. 27:19 Hausain a mu a, mahse, a tho tawh lawng; A mit a han meng a, a awm tawh lo. 27:20 Tui lian angin hlauhawmin a nang a, Zanah thlipuiin a la a. 27:21 Khaw chhak thliin a len bo a, a bo ta a, A hmun ata a nuai bo ta. 27:22 Zahngai loin a nuai ang a, A thiltihtheihna hmaah chuan a kat rawk rawk ang.A kut a benkhum ang a, A chekkhum ang a, a hmun ata a um chhuak ang. 27:23 A kut a benkhum ang a, A chekkhum ang a, a hmun ata a um chhuak ang.