Job 42
42:1 Tin, Joba chuan LALPA chu a chhang a:
42:2 Engkim i ti thei tih ka hria e, I tum dal rual engmah a awm lo.
42:3 Tu a ni nge, hriatna loa thurawn thup botu hi?' Chuvang alawm ka hriat thiam lohte, Ka tana mak lutuk, ka hriat loh thilte ka sawi ni.
42:4 Ngaithla rawh le, ka han sawi ang e; Thu ka zawt ang chia, mi hrilh ang che.'
42:5 Benga hriatna mai zawngin ka hre tawh chia, Mahse, tunah zawng ka hmu ta che;
42:6 Chuvang tak chuan ka inten a, Vut leh vaivuta thuin ka sim ta e, tiin.
42:7 Tin, LALPA'n Joba hnenah he'ng thute a saiw hnuin LALPA chuan Elifaza Temani mi hnenah chuan, "I chungah leh i thian pahnihte chungah khan ka thinurna a nasa a ni: ka chhiahhlawh Joba angin ka chungchang thu dik takin in sawi si lo.
42:8 Chutichuan, tunah bawngpa pasarih leh berampa pasarih kengin ka chhiahhlawh Joba hnenah va kal u la, in tan halral inthawi va hlan rawh u; tin, ka chhiahhlawh Joba chuan a tawngtaisak ang che u a, chu chu ka lo pawm ang a, in atzia ang zel chuan ka ti lo ang che u; ka chhiahhlawh Joba angin ka chungchang thu dik takin in sawi si lo a," a ti a.
42:9 Chutichuan, Temani mi Elifaza leh Shuhi mi Bildada leh Naamathi mi Zofara-te chu an va kal a, LALPA'n thu a pek ang zel chuan an ti a; tin, LALPA hchua Joba dilna chu a pawm ta a.
42:10 Tin, Joba chuan a thiante pathum tana a tawngtai chuan LALPA'n Jona chan chu a titha leh ta a; LALPA chuan Joba chu ahmaa a neih let hnih a pe leh ta a.
42:11 Tichuan, a unau leh a farnu zawng zawngte leh tun hmaa a hmelhriat zawng zawngte chu ahnenah an lo kal a, a inah chuan chawhluite an kil a; LALPA'n a chunga thil tha lo a thlentir zawng zawng thu-ah chuan an tuarpui a, an thlamuan a; mi tinin hnenah chuan tangkaraw tlangteleh rangkachak zungbunte an pe theuh a.
42:12 Chutichuan, LALPA chuan Joba hun hnuhnung chu a tir aia nasa takin mal a sawm a: beram singkhat leh sangli, sanghawngsei sangruk, sebawng tuak sangkhat leh sabengtungpui sangkhat a nei a.
42:13 Fapa pasarih leh fanu pathum anei bawk a.
42:14 Tin, a hmasa bera hmingah chuan Jemima a sa a; pahnihna hmingah chuan Kezia; pathumna chu Keren-Hapuka.
42:15 Tin, ram zawng zawngah pawh Joba fanute anga hmeichhe hmel tha an awm lo: an pa chuan anni chu an nutate zingah rochan tur a pe ve hlawm a.
42:16 Tin, hetih hun hian Joba chu kum za leh kum sawmli a dam a, a fapate, a fapaa fapate, chhuan li thlengin a hmu a.Chutichuan, Joba chu tar tak, khup bihin a thi ta a.
42:17 Chutichuan, Joba chu tar tak, khup bihin a thi ta a.