Job 9
9:1 Tichuan, Joban a chhang a, heti hian a ti a:
9:2 Chuti a nih zawng dik takin ka hria, Mahse, engtin nge Pathian hmaah mi a fel theih ang?
9:3 Amah hnial kalh duh ang se, Vawi sangah vawi khat pawh a chhang thei lo ang.
9:4 Thinlunga fing, chaknaa engkimtithei, A laka inchhungawng tu nge hmuingil?
9:5 Tlangte a sawn a, an hre lo a, A thinrima a tihdanglam lai khan.
9:6 Lei a hmunah a sawi nghing a, A bante chu a nghing dur dur a.
9:7 Ni thu a pe a, a chhuak lo a, Arsite pawh chu a kharkhip a.
9:8 Mahni chauha van tipharhtu leh Tuipui fawn chunga kal chu.
9:9 Zangkhua te, Chhohreivung te, Siruk te siamtu, Chhim lam pindante siamtu chu.
9:10 Thil ropui chhui chhuah rual loh te, A ni, thil mak tak chhiar sen rual loh titu chu.
9:11 Ngai teh, ka bulah a kal a, ka hmu si lo; A tlang ta zel a, ka hre si lo.
9:12 Ngai teh, a la mai a, tu nge khap thei? Eng nge i tih, tu nge ti ang le?
9:13 Pathianin a thinrimna a sum lo ang a, Rahab puitute a hnuaiah an kun a.
9:14 Kei tehlulin engtin nge ani chu ka chhan ang a, Amah hnialna'n thu eng nge in thlan chhuah ang?
9:15 Dik mah i la, ani zawng ka chhang lo ang, Ka khinna chu ka dil zawk ang.
9:16 Ko i la, ani chuan mi chhang se la, Ka thu a dawnsawn ka ring chuang lo.,
9:17 Thlipuiin mi tichia a, vang awm loin ka hliamte mi belhchhah a,
9:18 Thawk ka lak pawh mi phalsak lo a, Hrehawmin mi tikhat a.
9:19 Chakna thu-ah chuan, en teh, Chaka chu, rorelna lam thu-ah ani chu tu nge khawm ang?
9:20 Dik mah i la, ka ka hian thiam loh mi chantir ang. Demawm lo mah i la, mi chantir ang.
9:21 Demawm lo ka ni, ka inngai sang lo; Ka nun hi ka hmusit a ni.
9:22 A thuhmun vek mai, chuvang alawm Tha famkim pawh, suaksual pawh a tichhia, ka tih ni.
9:23 Chhiatnain thihna a thlen thut chuan, Mi nun tlang tuarna chu a nuihzat ang.
9:24 Lei hi mi suaksual kutah pek a ni a, A roreltute hmai a khuh a,
9:25 Amah a nih loh chuan tu dang nge ni ang? ka hunte hi zualko tlan aiin a chak a, An thlawk bo a, thil tha reng an hmu lo.
9:26 An kal liam a, lawng chak tak angin, Mupui tum nei bir angin.,
9:27 Ka vuina hi ka theihnghilh ang a. Ka lungngai hmel hi ka dah bo ang a, Ka intihlim ang, ka tihin,
9:28 Ka lungngaihna zawng zawng hi ka hlau a, Nangin mi tlangah mi ngai lo ang tih ka hria.
9:29 Thiam loh chang tur ka ni a, Eng nge sawt lo tura ka tan teh chiam ang?
9:30 Vurin inbual mah i la; Ka kutte chingalin sil mah i la;
9:31 Khuarkhurumah mi hnim tho ang a, Ka silhfente ngei pawhin mi ten ang.
9:32 Rorelna hmaa ding duna ka chhan turin, Ani chu kei anga mihring a ni si lo.
9:33 Kan chunga kut nghat ve ve tur, Kan kara thu titlutu reng an awm lo.
9:34 Ka lak ata a tiang la bo se la, A tihbaihawmnain mi tihlau suh se.Tichuan, amah hlau loin ka tawng ang, Mahni chuan chutiang ka ni si lo.
9:35 Tichuan, amah hlau loin ka tawng ang, Mahni chuan chutiang ka ni si lo.