Psalms 103
103:1 Aw ka nuna, LALPA chu fak la; Ka kawchhunga awm zawng zawngte u, a hming thianghlim chu fak rawh u.
103:2 Aw ka nunna, LALPA chu fak la, A thiltih that zawng zawng chu theihnghilh suh u.
103:3 Ani chuan i khawlohna zawng zawng a ngaidam thin a; I natna zawng zawng a tidam thin a;
103:4 Boralna lak ata i nun chu a tlan thin a; Ngilneihna leh lainatnate a khumtir thn chia;
103:5 I ka chu thil thain a titlai thin a; Chutichuan i tleirawlna chu mupui anga siam tharin a awm leh thin.
103:6 LALPA chuan, hnehchhiahna tuar zawng zawngte tan, Thil felte tihsakin, rote a relsak thin.
103:7 A kawngte chu Mosia a hriattir a, A thiltihte chu Israela thlahte a hriattir bawk a.
103:8 LALPA chu lainatnaa khat, mi khawngaih thei tak, Thinnel tak, ngilneihna ngah tak a ni.
103:9 Ani chuan a hau lo fo ang a; A thinur chu a pai kumkhua hek lo ang.
103:10 Kan sualnate angin kan chungah a ti lo a, Kan khawlohnate angin min thungrul hek lo.
103:11 Van khi lei chung sang taka awm angin, Amah tihtute chunga a ngilneihna chu a nasa a ni.
103:12 Chhak leh thlang a inhlat ang hian, Kan bawhchhiatnate ch kan hnen ata a dah sanw ta diah a.
103:13 Pain a fate a khawngaih ang hian, LALPA chuan mah tihtue chu a khawngaih thin.
103:14 Kan taksa siam dan hi a hriat a, Vaivut mai kan ni tih a hriat reng avangin.
103:15 Mihring zawng, a dam chhung nite chu hlobet ang a ni a; Phul pangpar ang hian a vul thin a.
103:16 Thliin a chhem a, a bo thin a ni; A awmna chuan a hre leh tawh lo ang.
103:17 LALPA ngilneihna erawh chu amah tihtute chungah chuan chatuan ata chatuan thlengin a awm ang a, A felna pawh an tuchhuan thlengin a awm ang;
103:18 A thuthlun zawm apiangte leh, A thuhrilhte awih tuma hre reng apiangte chungah chuan.
103:19 LALPA chuan alalthutphah chu vanahte khian a tinghet a; A ram chuan engkim chungah ro a rel a.
103:20 A vantirhkohte u, A thu ngaithlaa, a thu zawm thin,
103:21 LALPA chu fak rawh u: A sipaihote u, a duhzawng ti thin, a rawngbawltute u, LALPA chu fak rawh u.A rorelna hmun zawng zawnga a thiltih zawng zawngte u, LALPA chu fak rawh u: Aw ka nunna, LALPA chu fak rawh.
103:22 A rorelna hmun zawng zawnga a thiltih zawng zawngte u, LALPA chu fak rawh u: Aw ka nunna, LALPA chu fak rawh.