Psalms 118
118:1 Aw, LALPA hnenah lawm thu hril rawh u; ani chu a tha si a: A ngilneihna pawh kumkhuain a awm dawn si a.
118:2 A ngilneihna chu kumkhuain a awm ang tih, Israel-hote chuan sawi rawh se.
118:3 A ngilneihna chu kumkhuain a awm ang tih, Aron chhungte chuan sawi rawh se.
118:4 A ngilneihna chu kumkhuain a awm ang tih, LALPA tihtute chuan sawi rawh se.
118:5 Ka manganna atangin LALPA chu ka ki va: LALPA chuan mi chhang a, hmun thlawl takah mi rawmtir ta a.
118:6 LALPA chu ka lama tang a ni; ka hlau lo ang: Mihringin eng nge mi tih theih ang?
118:7 LALPA chu ka lama tang, mi tanpuitute zinga mi a ni: Chuvangin mi hawtute chungah ka thu duhsam chu ka hmu ang.
118:8 Mihring rin ai chuan LALPA-a rinna nghah hi a tha zawk a ni.
118:9 Mi liante rin ai chuan LALPA-a rinna nghah hi a tha zawk a ni.
118:10 Hnam tinrengin mi hual vel a: Anni chu LALPA hmingin ka tiboral ang.
118:11 Anni chuan mi hual vel a; a ni, mi hual vel a: Anni chu LALPA hmingin ka tiboral ang.
118:12 Khuaite angin mi hual vel a; hling alh angin tihmihin an awm: Anni chu LALPA hmingin ka tiboral ang.
118:13 Ka tlukna turin mi chhun vak i tum zuau zuau a: Nimahsela LALPA chua nmi tanpui ta hlauh a.
118:14 LALPA chu ka chakna leh ka hla a ni: Mi chhandamtu a lo ni ta bawk a.
118:15 Lawmna leh chhandamna thawm chu mi felte puan inah a awm thin a:
118:16 LALPA kut ding lam chu chawimawiin a awm thin a: LALPA kut ding lam chuan huai takin a ti thin.
118:17 Ka thi lo ang, ka dam ang a, LALPA thiltihte chu ka hrattir zawk ang
118:18 LALPA chuan nasa takin mi thunun a: Thihna hnenah erawh chuan mi pe em lo.
118:19 Felna kulh kawngkharte hi mi hawnsak rawh u: Hengah hian ka lut ang a, LALPA hnenah lawm thu ka hril ang.
118:20 Hei hi LALPA kawngkhar a ni; Mi felte chu an lut ang.
118:21 I hnenah lawm thu ka sawi nag, nangin mi chhangin, Mi chhandamtu i lo ni ta si a.
118:22 In satute lung duh loh kha A kila lung tangkai ber alo ni ta.
118:23 Chu chu LALPA tih a ni a; Kan mithmuhah a mak a ni.
118:24 Hei hi LALPA ni ruat chu ani a; He mi-ah hian kan hlimin kan lawm ang.
118:25 Aw LALPA, khawngaih takin chhandam la: Aw LALPA, khawngaih takin vanneihna rawn tir ang a.
118:26 LALPA hminga lo kal chu a eng a thawl e: LALPA in atang hian mal kan sawm che u a ni.
118:27 LALPA chu Pathian a ni, ani chuan eng min ep a: Inthawina tur ch hruihrualin thlung rawh u; maicham ki ngeiahte chuan.
118:28 Nang chu ka Pathian i ni a, lawmthu ka hrilh ang chia: Ka Pathian i ni a, ka chawimawi ang che.Aw, LALPA hnenah lawm thu hrilh rawh u; ani chu a tha si a: A ngilneihna pawh kumkhuain a awm dawn si a.
118:29 Aw, LALPA hnenah lawm thu hrilh rawh u; ani chu a tha si a: A ngilneihna pawh kumkhuain a awm dawn si a.