Library · lus

Psalms 125

125:1 LALPA ringtute chu Zion tlang, tihnghin rual loh, kumkhuaa awm reng tur ang chu an ni. 125:2 Tlangte chu Jerusalem vela a awm angin LALPA chu a mite velah a awm thin, Tun atanga, kumkhuain. 125:3 Suahsualna laltiang chu mi fel ram chan chhungah chuan a innghat dawn si lo; Mi felte chuan an kuttea khawlohna an ban lohna'n. 125:4 Aw LALPA, tha taka awmte chungah chuan tha takin ti ang che, An thinlunga dik taka awmte chungah pawh.An kawng kawitea pengho erawh hi zawng LALPA chuan thil tisualtute nen a hruai chhuak ang. Israel-ho chungah chuan thlamuanna awm rawh se. 125:5 An kawng kawitea pengho erawh hi zawng LALPA chuan thil tisualtute nen a hruai chhuak ang. Israel-ho chungah chuan thlamuanna awm rawh se.