Psalms 132
132:1 LALPA, Davida chu a hrehawm tuarna zawng zawng Hriatpui ang che;
132:2 LALPA hnena chhia chham a, Jakoba Mi Chaka henna thu a tiamzia kha:
132:3 "Ka awmna inah ka lut hauh lo ang a, Ka khumah ka kai hek lo ang;
132:4 Ka hahchawl lo ang a, Mutmu ka tuah hek lo ang;
132:5 LALPA tan hmun, Jakoba Pathian chak tan, In ka zawn chhuah hma loh chuan.
132:6 Ngai teh, Ephratha-ah a chanchin kan hria a, Jearin hmunah kan hmu ta a.
132:7 A awmnaah chuan kal i la, A ke nghahchhan bulah chibai i buk ang u.
132:8 Aw LALPA, tho la, i chawlh hmun turah chuan lut ang che; Nang nen, i chakna bawm nen.
132:9 I puithiamte chu felnain inthuam se la; I mi thianghlimte ch hlimin au rawh se.
132:10 I chhiahhlawh Davida avangin I hriak thiha hmel chu hawi kirtir suh ang che.
132:11 LALPA chuan Davida hnenah thutakin chhia a chham ta a; Chu chu a hawisan lo vang: "I taksa raha mi i lalthutphahah chuan ka thuttir ang.
132:12 I fate chuan ka thuthlun leh, Ka thuhriattir, anmahni ka la zirtir tur chu, an zamw chuan, An fate pawh kumkhuain i lalthutphahah chuan an thu zel ang," tiin.
132:13 LALPA chuan Zion chu a thlang si a; A awmna atan a duh a.
132:14 "Hei hi kumkhua atana ka chawlhhmun tur a ni: Hetah hian ka awm reng ang; ka duhzawng a ni si.
132:15 A ei tur chu mal ka sawm rei rui ang a: A mi retheite chu chhangin ka titlai ang.
132:16 A puithiamte chu chhandamin ka thuam ang a: A mi thianghlimte chu hlimin an au chiam ang.
132:17 Chutah chuan Davida ki chu ka chawr chauhtir ang: Ka hriak thih atan chuan khawnvar ka ruat ta a.Amah dotute chu mualphonain ka thuam ang a: Ani chungah erawh chuan a lallukhum chu a tle sur ang," tiin.
132:18 Amah dotute chu mualphonain ka thuam ang a: Ani chungah erawh chuan a lallukhum chu a tle sur ang," tiin.