Library · lus

Psalms 135

135:1 ,2 LALPA chu fak rawh u. LALPA hming chu fak u la; Aw LALPA chhiahhlawh, LALPA ina dinga, kan Pathian in hung chhung kawtlaia dingte u, Amah chu fak rawh u. 135:2 ,1 LALPA chu fak rawh u. LALPA hming chu fak u la; Aw LALPA chhiahhlawh, LALPA ina dinga, kan Pathian in hung chhung kawtlaia dingte u, Amah chu fak rawh u. 135:3 LALPA chu fak rawh u; LALPA chu a tha si a: A hming faki nzai rawh u; a nuam si a. 135:4 LALPA chuan Jakob-ho hi ama tan a thlang si a, Israel-ho hi a ro bik atan a thlang bawk a. 135:5 LALPA chu ropui tak ani tih leh, Kan LALPA chu Pathian zawng zawng aiin a chungnung a ni tih, ka hre si a. 135:6 LALPA chuan a duh apiang chu a ti thin a, Vanah te, leiah te, tuifinriatah te, tui thuk tak zawng zawng ah te pawh. 135:7 Ani chuan chhumte kawlkil atangte chuan a chhohtir thin a; Kawlphete ruah atan a siam thin a; A sum in atangte chuan thli ala chhuak thin. 135:8 Ani chuan Aigupta rama fa tirte chu a tihlum a, Mihring leh sate pawh. 135:9 Aw Aigupta ram, ani chuan chhinchhiahnate leh thilmakte i chhungah a rawn tir a, Pharaoa chungah leh a chhiahhlawh zawng zawng chungahte chuan. 135:10 Ani chuan hnam tam tak a tihlum a, Lal ropui tak takte a that a; 135:11 Sihona, Amor-ho leal leh, Oga, Baan ram lal leh, Kanaan rama mi zawng zawng chu: 135:12 An ram chu rochan atan a pe a, A mi Israel-ho rochan atan. 135:13 Aw LALPA, i hming chu kumkhuain a awm ang a; Aw LALPA, nangmah hriatrengna chu chhuan awm zawng zawngin a awm bawk ang. 135:14 LALPA chuan a mite chu ro a relsakin, A chhiahhlawhte chungthu-ah chuan a rilru a lamlet dawn si a. 135:15 Hnam tin, milemte chu tangka leh rangkachak an ni a, Mihring kut chhuak an ni. 135:16 Kate an nei a, an tawng thei si lo a; Mitte an nei a, an hmu thei si lo a; 135:17 Bengte an nei a, an hre thei si lo a; An kaah chuan thaw reng reng a awm hek lo. 135:18 Chung siamtute chu chungte ang chuan an awm ang; A ni, chung ringtu apiangte chu. 135:19 Aw Israela chhungte u, LALPA chu fak rawh u: Aw Arona chhungte u, LALPA chu fak rawh u: 135:20 Aw Levia chhungte u, LALPA chu fak rawh u: LALPA tihtute u, LALPA chu fak rawh u.LALPA chu Zion atanga fakin awm rawh se, Jerusalem-a awma chu. LALPA chu fak rawh u. 135:21 LALPA chu Zion atanga fakin awm rawh se, Jerusalem-a awma chu. LALPA chu fak rawh u.