Psalms 18
18:1 Aw LALPA, ka chakna, ka hmangaih a che.
18:2 LALPA chu ka lungpui leh, ka kulhpui leh, mi chhanhimtu a ni; Ka Pathian, ka lungpui nghet tak a ni a, amahah chuan rinna ka nghat ang; Ka phaw leh, ka chhandamna ki leh ka kulhbing sang a ni.
18:3 Fak tlak LALPA chu ka ko ang a, chutichuan mi dotute lakah chhandamin ka awm ang.
18:4 Thihna hruihrualte chuan mi zem a, Pathian ngaihsak lona tuiliante chuan mi tihlau a.
18:5 Seol hruihrualte chuan mi phaur vel a: Thihna thangte chuan mi awk a.
18:6 Ka manganin LALPA chu ka ko thin a, Ka Pathian ka au thin. Ani chuan a biak in atang chuan ka aw a hria a. A hmaa ka au thawm chu abengah a lut t a.
18:7 Chu veleh lei hi a nghing a, a khur ta a, A thinur avangin tlangte pawh chu A nghahchante lamin a khurin a nghing ta a.
18:8 A hnar atang chuan meikhu a chho tqa ngut ngut a, A kaa chhuak mei chuan a kang ta hluah hluah a, Chu chuanin meihawl pawh a tialh ta dur dur a.
18:9 Ani chuan vante pawh a tikun a, a chhuk ta a; A ke hnuaiahte chuan thim chhah mup hi a lo awm a.
18:10 Cherub chungah a chuang a, a thlaawk taa. A ni, thli thlaahte chuan a thlawk ta thuak a:
18:11 Thim hi a bihrukna hmunah, amah hual velna bukteah, asiam a; Tuia thimna, vana chhum chhan mupte chu.
18:12 A hmaa enna avang chuan a chhum chhah mupte chu a kiang a, Rialte leh meilingte a tla ta dur dur a.
18:13 LALPA chu vanahte khian a ri dur dur bawk a, Chungnungbera chuan a aw a chhuah a; Rialte leh meilingte a tla ta dur dur a.
18:14 Tin, a thlate chu akap chhuak a, annihho chu tidarh a; A ni, kawlte a phettir zawih zawih reng a, a tibuai ta nuai hlawm a.
18:15 Chu veleh, aw LALPA, i zilhhau avanga, I hnara thaw chhuakin a chhem vak avang chuan, Tui luiannate chu a lo lang a, Leilung nghahchhante chu tihlanin a awm ta.
18:16 A ni chuan chung lam atangin a rawn bana, mi chelh a; Tui tam tak ata mi hnuk chhuak a.
18:17 Mi dotu chak tak lakah chuan mi chhanhim a, Mi hawtute lakah pawh; kei atan chuan an chak lutuk si a.
18:18 Anni chuan ka vanduai ni chuan mi bei a, Nimahsela LALPA chu ka rinpui ber a ni.
18:19 Ani chuan hmun thawl takah mi hruai chhuak a; Ka chunga a lawm avangin mi lo chhanhim ta a ni.
18:20 LALPA chuan ka felzia ang ngeiin ka chungah a ti a; Ka kutte a thianghlimzia ang ngeiin mi rul a ni.
18:21 LALPA kawngte chu ka zawh a, Ka Pathian hnen ata sual takin kal bo ngai si lo a.
18:22 A rorelna zawng zawng ka hmaah a awm thin a. A thuruatte chu ka hmaih ngai si lo a.
18:23 Ama lakah chuan sawiselbo ka ni bawk a, Ka khawlohna ata ka inthiarfihlim thin a.
18:24 Chuvangin LALPA chuan ka felzia ang zelin mi lo rul ta a, Ka kutte a mithmuha a thianghlimzia ang zelin.
18:25 Mi khawngaih thei tak lakah chuan khawngaih thei takin i intilang ang a; Mi tha famkim lakah chuan tha famkimin i intilang ang a;
18:26 Mi thianghlim lakah chuan thianghlimin i intilang ang a; Tin, mi luhlul lakah chuan luhlulin i intilang ang.
18:27 Hreawm tuar mite chu i chhandam dawn si a; Mit chapote erawh chu i tilawm ang.
18:28 Nangin ka khawnvar hi mi halsak dawn si a; LALPA ka Pathianc huan ka thimna hi a tieng ang.
18:29 Nangma tanpuiin ral ka bawh si a; Ka Pathian tanpui bawkin kulh bang ka zuan khum a ni.
18:30 Pathian zawng, a kawng chu a tha famkim a; LALPA thu chu fiah a ni tawh; Amaha rinna ngaht zawng zawngte tan chuan ani chu phaw a ni.
18:31 LALPA lo chu tu nge Pathian awm ni? Ka Pathian lo chu tu nge lungpui awm ni?
18:32 Chaknaa ka taia mi hrengtu leh, Ka kawng titha famkimtu Pathian chu.
18:33 Ani chuan ka ke hi zukpui ke angin a siam a, Ka hmun sang takahte mi awmtir thin a.
18:34 Ka kutte hi ral kap turin a zirtir trhin a, Chutichuan ka bante hian dar thla ngul a kuai zo hial a.
18:35 Nangin i chhandamna phaw chu mi pe bawk a: I kut ding lamin mi kai a, I inngaitlawmnain mi siam lian ta,
18:36 Ka hnuaia ka ke penna chu i tizau a, Tichuan ka kete hi a tleng lo.
18:37 Mi dotute ka um ang a, ka um phak mai ang: Tihborala an awm hma lo chuan ka hawi kri tawh hek lo ang.
18:38 An thawh leh theih lohna turin ka sat chhawk ang a: Ka ke hnuaiah hian an tlu hlawm ang.
18:39 Nangin inbeihna atan chuan chaknain ka taiah mi hreng si a: Mi rawn beitute chu ka hnuaiah i tudawl ta a.
18:40 Mi hawtute chu ka tihboral theihna turin, Nangin mi dotute chu mi hnuchhawnin i awmtir ta bawk a.
18:41 Anni chu ka au a, nimahsela chhandamtu tur tumah an awm lo va: LALPA ngei chu an au a, nimahsela a chhang si lo.
18:42 Chu veleh vaivut thli len mi ang mai hian ka vaw sawm dep a:aw LALPA, i zilhhau avanga, Kawtlai chirhdiak ang mai hian ka paih chhuak ta a.
18:43 Nangin mite insualna lakahte chuan mi chhanhim a; Hnam tin lu-ah mi siam a: Ka hriat ngai loh mite chuan ka rawng an bawl tawh ang.
18:44 Ka chanchin an hriat veleh ka thu an zawm ang a: Mikhualte chu ka hnenah an intulut ang.
18:45 Mikhualte chu an zam ang a, An kulhbing atate chu khru chungin an lo chhuak ang.
18:46 LALPA chu a nung reng e; ka lungpui chu fakin awm se la; Mi chhandamtu Pathian chu chawimawiin awm rawh se:
18:47 Phuba mi laksaktu leh, Mi tin, ka hnuaia tudawltu Pathian ngei chu.
18:48 Ani chuan mi dotute lakah mi chhanchhuak a: A ni, nangin mi beiotute chung lamah chuan mi chawi kang a: Mi nunrawng lak ata chu mi chhanhim thin a.
18:49 Chuvangin, aw LALPA, hnam tin zingah chuan lawm thu ka hrilh ang chia, I hming akin ka zai bawk ang.Ani chuan chhandamna ropui tak a lal siam hnenah a pe thin a; A hriak thiha chungah, Davida leh a thlahte chun gngeiah chuan, Kumkhuain a ngilneihzia a lantir ang.
18:50 Ani chuan chhandamna ropui tak a lal siam hnenah a pe thin a; A hriak thiha chungah, Davida leh a thlahte chun gngeiah chuan, Kumkhuain a ngilneihzia a lantir ang.