Library · lus

Psalms 21

21:1 Aw LALPA, lal chu i chaknaah hian ahlim ang a, I chhandamnaah hian a va hlim nasa dawn em! 21:2 A thinlung duhzawng chu i pe a, A hmuia a thil dil chu i phal lo lo e. (Selah) 21:3 Thatnaa malsawmnate in i hmuak si a: Rangkachak thinghlim lallukhum i khumtir a. 21:4 Ani chuan nunna a dil chia, i lo pe a; Kumkhaw tlaitluana dam rengna chu. 21:5 I tanpui avangin a ropui em em a: Chawimawina leh ropuina a chungah i nghat thin a. 21:6 Kumkhua atan malsawmna nasa tak dawngin i siam si a: I hmaa hlimnain i tilawm thin. 21:7 Lal chuan LALPA chu a ring si a, Chungnungbera ngilneihna avnaign a nghing lo ang. 21:8 I kutin nangmah dotute zawng zawng chu a zawng chhuak vek ang a: I kut dinglamin nangmah hawtute a zawng chhuak ang. 21:9 I thinur hunah chuan anni chu rawhtuina mei alh hluah hluah angin i siam ang. LALPA chuan ani chu thinurin a lem zo ang a, Mei chuan a kang ral mai ang. 21:10 An rahte chu lei ata i tiboral ang a, An thlahte chu mihring fate zing ata i tiboral bawk ang. 21:11 I chungah khan thil sual tih an tum si a; Thil sual an ngaihtuah chhuak a, an hlen thei si lo. 21:12 Nangin anni chu i hnunghchawntir dawn si a, I thla hruite chu an hmai tinin i kuai peih diam ang.Aw LALPA, i chaknaah chuan chawimawiin lo awm ang che: Chutichuan i thiltihtheihna fakin hla kan sa ang. 21:13 Aw LALPA, i chaknaah chuan chawimawiin lo awm ang che: Chutichuan i thiltihtheihna fakin hla kan sa ang.