Psalms 25
25:1 Aw LALPA, ka rilru hi i hnenah ka dah tlat thin.
25:2 Aw ka Pathian, nang ka ring chia, Mualphoin mi awmtir suh la; Mi dotute mi ngam chu phal suh ang che.
25:3 a ni, nangmah nghaktu reng reng chu tumah mualphoin an awm lo ang: A vang awm loa vervek taka titute erawh chu mualphoin an awm ang.
25:4 Aw LALPA, i kawngte chu mi hriattir la; I kalkawng chanchinte mi zirtir ang che.
25:5 I thutakah chuan mi hruai la, mi zirtir ang che. Nang hchu mi chhandamtu Pathian i ni si a; Nilenga ka nghah reng che hi.
25:6 Aw LALPA, i lainatnate leh i ngilneihziate chu hre reng ang che; Hmasanga lo awm kumkhua tawha ni si a.
25:7 Ka tleirawl lai sualnate leh ka bawhchhiatnate chu hre reng suh ang che; Aw LALPA, i thatna avangin, I ngilneihan avangin mi hre reng ang che.
25:8 LALPA chu a thain a dik a ni: Chuvangin mi sualte chu kawng a entir ang.
25:9 Thuhnuairawlhte chu rorelna felah a hruai ang a: Thuhnuairawlhte chu ama kawng chanchin a zirtir bawk ang.
25:10 A thuthlun leh athuhriattirte zamwtute tan chuan LALPA kalkawng zawng zawngte chu ngilneihna leh thutak vek a ni.
25:11 Aw LALPA, i hming avangin Ka khawlohna ngaidam ang che, nasa tak ani si a.
25:12 LALPA tih mi chu tu nge ni? Chu mi chu a kawng thlant ru chu a la entir ang.
25:13 A nunna chu nuamsak takin a awm ang a; A thlahte chuan ram chu an la luah ang.'
25:14 LALPA thuruk chu amah tihtute hnenah a awm a, A thuthlun chu anmahni a hriattir ang.
25:15 Ka mitin LALPA lam a en fo thin; Ani chuan ka kete hi len ata a la chhuak dawn si a.
25:16 Ka lamah hian lo hawi la, mi khawngaih ang che; Khawhar leh hreawm takin ka awm si a.
25:17 Ka thinlung buainate hi a lo nasa ta a; Aw, ka manganna atate hi mi hruai chhuak ang che.
25:18 Ka hreawmzia leh ka manganzia hi ngaihtuah la, Ka sual zawng zawng ngaidam ang che.
25:19 Mi dotute chu ngaihtuah teh, tam tak an ni a; Nasa takin mi haw si a.
25:20 Aw, ka nunna vawng tha la, mi chhanhim ang che. Mualphoin mi awmtir suh ang che, nangmahah chuan ka rinna ka nghat si a.
25:21 Ka rilru thatna leh ka diknain mi chhanhim rawh se, Ka nghak reng si chia.Aw Pathian, Israel-ho hi An manganna zawng zawng ata chhan chhuak ang che.
25:22 Aw Pathian, Israel-ho hi An manganna zawng zawng ata chhan chhuak ang che.