Psalms 34
34:1 Englai pawhin LALPA chu ka fak ang a: Amah fakna chu ka kaah a chhuak fo ang.
34:2 Ka nunna hian LALPA chu a chhuang ang a: Thuhnuairawlhte chuan chu chu an hria ang a,a n lawm ang.
34:3 Aw, LALPA chu mi fakpui u la, A hming chu i chawimawi tlang ang u.
34:4 LALPA chu ka zawng a, tin, ani chuan mi chhang a, Ka hlauhzawng zawng lakah chuan mi chhanhim ta a.
34:5 Amah an en a, tin, an lo eng ta a: An hmelte chu engtikah mah a zak lo ang.
34:6 He mi srethei hi a au a, tin, LALPA chuan a hria a, A manganna zawng zawngah chuan a chhan chhuak ta a.
34:7 Amah tihtute chu, an velah LALPA vantirhkoh chuan a awm chilh a, A chhanhim thin.
34:8 Aw, LALPA thatzia chu tem chhin teh reng u: Amaha rina nghat mi chu a eng a thawl e.
34:9 Aw, a mi thianghlimte u, LALPA chu tih rawh u: Amah tihtute tan chuan tlakchhamna reng reng a awm si lo.
34:10 Sakeibaknei vanglaite chu an tlachhamin an ril a tam thin a: LALPA zawngtue erawh chuan thil tha reng reng an tlachham lo ang.
34:11 Hawh u, naupangte u, ka thu ngaithla rawh u: LALPA tih dan ka lo zirtir ang che u.
34:12 Thatna a hmuh theihna'na, nunna duh a Damrei ngaina mi chu tu nge ni?
34:13 I lei chu sual lakah veng tha la, I hmui chu tihderna thu sawi lo turin veng tha rawh.
34:14 Sual kalsan la, thil tha ti rawh; Remna zawng la, a umin um rawh.
34:15 LALPA mit chuan mi felte lam a en thin a, A beng chuan an au hre turin a ngaithla reng thin.
34:16 LALPA hmel chuan thil tisualtute chu a do thin, Anmahni hriat rengna chu lei ata tiboral turin.
34:17 Mi felte chu an au a, tin, LALPA chuan a lo hria a, An manganna zawng zawngah chuan a chhan chhuak ta a.
34:18 LALPA chuan thinlung lungchhiate chu a hnaih thin a, Rilrua inchhir apiangte chu a chhandam thin.
34:19 Mi fel hreawmnate chu a tam a, Nimahsela LALPA'n chung zawng zawngah chuan a chhan chhuak thin a.
34:20 A ruh zawng zawng a vawng tha a, Pakhat mah tihtliah a ni lo.
34:21 Thil tha loin mi suaksualte chu a tihlum ang a: Mi fel hawtute chuan thiam loh an chang a.LALPA chuan a chhiahhlawhte nunna chu a tlan thin a. Amaha rinna nghatte chu pakhat mah thiam loh chang an awm lo ang.
34:22 LALPA chuan a chhiahhlawhte nunna chu a tlan thin a. Amaha rinna nghatte chu pakhat mah thiam loh chang an awm lo ang.