Psalms 69
69:1 Aw Pathian, mi chhandam chang che; Tuite chu ka nuna thleng hian a lut ta si a.
69:2 Chirhdup thuk tak, rahchhan reng reng awm lohnaah, ka pil tual tual hi: Tui thuk tak, tui lian mi chimpilnaahte, ka lo luh tak hi.
69:3 Ka auna lamah ka chau a; ka dang a ro zo va: Ka Pathian ka nghahnaah hian ka mit a vai zo ta a.
69:4 Enga khawlawi loa mi hawtute chu ka samzai aiin an tam a: Dik lo taka mi dova mi tihboral tumte chu mi chak tak an ni: Ka lak si loh pawh mi rulhtir a.
69:5 Aw Pathian, nang chuan ka atzia hi i hria a; Ka thiam lohnate pawh hi i lakah thup ani lo.
69:6 Aw LALPA, sipaihote PATHIAN, nangmah nghaktute chu keimah avangin mualpho suh sela: Aw Israel-ho Pathian, nangmah zawngtue chu keimah avangin tihzahin awm suh se.
69:7 Nangmah avanga sawi chiat ka tuar avangin, Zahnain ka hmai a khuh zo ta.
69:8 Ka unaute lakah mikhual ka lo ni ta a, Ka nu fanaute lakah hriat ngai loh mi ka lo ni ta.
69:9 I ina ka thahnemngaihnain mi ei zo a; Nangmah sawichhetute sawi chhiatnate chu ka chungah atla ta.
69:10 Ka tah a, chaw nghei chunga ka nunna ka thunun leh, Chu chu mi sawichhiatna a lo ni a.
69:11 Ka silhfena saiip ka hman leh, An tan chhe lama tehkhinna ka lo ni zel a.
69:12 Kulh kawngkaa thute chuan ka chungchang thu an sawi a; Zu ruih hmangte hla ka nih hi.
69:13 Nimahsela, aw LALPA, kei zawngin hun lawmawmah i hnenah a ni, ka tawngtai ni: Aw Pathian, i ngilneihna nasa tak avangin I chhandamna thutakin mi chhang ang che.
69:14 Chirhdup ata hi mi chhanhim la, mi piltir lul suhang che4L Mi hawtute lakah leh tui thuk tak ata hi chhanhimin mi awmtir ang che.
69:15 Tui lianin mi chim pil suh se la, Tui thuk takin mi lem hek suh se; Khuarkhurum pawhin a ka mi chip hnan suh se.
69:16 Aw LALPA, mi chhang ang che; i ngilneihna chu a tha si a: I lainatna nasatzia ang zelin ka lam hi lo hawi ang che.
69:17 I chhiahhlawh lakah hian i hmai pawh thup suh ang che; Ka mangang si a; mi chhang thuai ang che.
69:18 Ka nuna hi rawn hnaih in, tlan la: Mi dotute avang hian mi chhanhim ang che.
69:19 Nangin mi mi sawichhiatna te, ka mualphona te, ka zahnate hi i hria e: Mi dotute chu i hmaah an awm vek a ni.
69:20 Mi mi sawi chhiatna hian ka lung a tichhia a; nasa takin ka lungngai bawk a: Tichuan mi khawngaihtu tur ka zawng, nimahsela tumah an awm si lo a; Mi thlamuantu turte ka zawng bawk a, nimahsela tumah ka hmu si lo.
69:21 Ka chaw atan englo kha mi pe leh nghal a; Ka tuihal lahin uain thur inah mi pe a.
69:22 An hmaa an dawhkan chu thang lo ni se la; Thlamuang taka an awm laiin fal lo ni rawh se.
69:23 An mitte chu, an hmuh theih lohna'n, tihthimin awm rawh se; An kawngte chu tikhur fo ang che.
69:24 I lungnih loh em emna chu an chungah leihbua la, I thinur thinrimna chuan anni chu man rawh se.
69:25 An awmna chu lo ram se la; An puan inahte chuan tumah awm suh se.
69:26 I vuaka chu an tiduhdah a, I hliamate lungngaihzia chu an saiw si thin a.
69:27 An khawlohna chu khawlohnain belhchhah la: Anni chu i felnaah chuan lut suh se.
69:28 Anni chu nunna bu ata thai boin awm se la, Mi felte zingah chuan ziak ni ve suh se.
69:29 Nimahsela kei chu rethei tak leh lungngai tak ka ni a: Aw Pathian, i chhandamna chan hmun sangah mi dah rawh se.
69:30 Pathian hming chu hlain ka fak ang a, Lawm thu sawiin amah chu ka chawimawi ang.
69:31 Chutiang chuan bawngchal emaw ki leh tin, nei bawngpa emaw ai chuan, LALPA a tilawm zawk ang.
69:32 Thuhnuairawlhte chuan chu chu an hmu a, an lawm a: Nangni Pathian zawngte u, in thinlung chu nungin awm rawh se.
69:33 LALPA'n pachhiate chu ngaithlain, A mi tangte chu a hmusit si lo a.
69:34 Lei leh van chuan amah chu fak rawh se, Tuifinriatte leh an chhunga thil che thei tawh phawtte nen.
69:35 Pathianin Zion chu chhan chhuakin, Juda khuate ch a din dawn si a; Tichuan chutah chuan an awm ang a, an nei nghal ang.A chhiahhlawhho thlahte pawh chuan an rochung ang a; A hming ngainatute chu a chhungah an awm ang.
69:36 A chhiahhlawhho thlahte pawh chuan an rochung ang a; A hming ngainatute chu a chhungah an awm ang.