Library · lus

Psalms 73

73:1 Pathian chu Israel-ho chungah a lo tha ngei mai, Thinlunga thianghlime chungah chuan. 73:2 Nimahsela kei zawngin ka rap pelh thelh thelh a; Ka ke pente hi a tlei lek lek a ni. 73:3 Mi suaksuate vanneihzia ka hmuhin, Mi uangthuangte chu ka awt si a. 73:4 An thih lai chuan tuarna reng an nei lo a; An chakna chu a nghet zawk mah si a. 73:5 Mi dang anga hreawmin an awm lo a; Mi dang anga sawisakin an awm hek lo. 73:6 Chuvangin chapona chuan khaidiat angin an nghawng a vel a; Nunrawnna chuan silhfen angin a tuam a. 73:7 Thau avangin an mit a pawng a: Thinlunga thu duhsam aia nasa an nei a. 73:8 An nuihsan a, sual takin hnehchhiahna thu an sawi a: Chapo takin an tawng thin a. 73:9 An ka chu vanahte khian an dah a, An lei chuan leilung hi a fang tlang thin a. 73:10 Chuvangin amite chu chutah chuan an kri leh a, Tui nova khat chu anmahni in fai kelhin a awm a. 73:11 "Pathianin engtin nge a hriat ang? Chungnungberan a hre chhuak ang em ni?" an ti a. 73:12 En teh, hengho hi mi suaksualte an nih hi; Nuamsa aka awm foin an hausa deuh deuh thin. 73:13 Athlawn maiin a ni, ka thinlung hi ka tihfai a, Ka kutte sawiselbonaa ka sil ni. 73:14 Nilengin sawisakin ka awm a, Tuk tin, zilhhauin ka awm si a. 73:15 "Chutiangin ka sawi ang," lo ti ta i la; Ngai teh, i fateho chhuan chungah vervek taka ti ka lo ni ang. 73:16 Chu chu ka hriat theihna turizia ka ngaihtuahin, Ka tan ahar lutuk a ni; 73:17 Pathian hmun thianghlimah ka luh a, An tawpna tur chu ka ngaihtuah hma chuan. 73:18 Anni chu hmun nal takahte i dah ngei a: Chhiatnaahte i paihthla thin a. 73:19 Engtizia nge mitkhapkar chauha an tiau tak ni aw! Thil rapthlak taktea tihboral daihin an awm ta a nih hi. 73:20 Miin men hnua mumang an ngeinep angin, Aw LALPA i harh hunin anmahni lem pawh chu i ngainep ang. 73:21 Ka thinlung hi a lungngai a, Ka rilruah pawh chhun angin ka awm si a: 73:22 Mi mawl leh engmah hre lo ka ni a, I lakah chuan sa ang mai ka nih hial thin kha. 73:23 Nimahsela i hnenah ka awm fo a: Ka kut ding lam hi i lo chelh thin a. 73:24 Nangin i remruatnain mi hruai ang a, Chu mi hnuah chuan ropuinaah khian mi lawm ang. 73:25 Vanah khian nang lo chu tu nge ka neih? Leiah pawh hian nang lo chu ka duh tumah an awm lo. 73:26 Ka tisa leh ka thinlung hi a chau ta a: Nimahsela Pathian chu kumkhuaa ka thinlung chakna tur leh ka chanvo tur a ni. 73:27 Ngai teh, nangmah hlata awmte chu an boral dawn si a: A uiresantu apiang che chu i tiboral ta a.Kei atan erawh zawng Pathian hnaih hi a tha a ni: Lalpa PATHIAN chu ka inhumhinaah ka hmang a, A hnathawh zawng zawng thu chu ka hrilh theihna'n. 73:28 Kei atan erawh zawng Pathian hnaih hi a tha a ni: Lalpa PATHIAN chu ka inhumhinaah ka hmang a, A hnathawh zawng zawng thu chu ka hrilh theihna'n.