Psalms 78
78:1 Aw ka mite u, ka dan thu-ah hian beng lo chhi ua: Ka kaa thu-ahte hian in beng rawn dawh rawh u.
78:2 Tehkhin thuin ka ka ka ang ang a; Hmasanga thu ril sawite kha ka sawi chhuak ang:
78:3 Chung chu ka bengin kan hria a, kan rilruin kan hre bawk a, Min thlahtute pawhin min hrilh kha.
78:4 Chung chu an fate lakah kan zep lo ang a, Thangthar lo la awm tur hnenah LALPA fakna thu leh, A chakzia leh a thilmak tak tihziate chu kan hril zawk ang.
78:5 Jakob-ho zingah dan a ruat a, Chung chu thlahtute hnenah thupekin a pe a Anni chuan chung thu chu an fate hnenah an hriattir turin:
78:6 Thangthar lo la awm tur, naupang lo la piang turte chuan, an hriat theihna'n; Chungte chu an thawh a, an fate an la hrilh chhawn zelna turin:
78:7 An beiseina chu Pathianah an nghah theih a, Pathian thiltihte chu an theihnghilh loh a, A thupekte chu an zawm zawkna'n:
78:8 Leh, an thlahtute anga, Chhuan luhlul leh helhmang; Chhuan thinlung siam dik lo, Pathian laka rilru rinawm lo pua an awm lohna'n.
78:9 Ephraima thlahte chu ralthuama inthuam a, thal ngul kengin, Inbei niah chuan an tlanchhia a.
78:10 Pathian thuthlung chu an zawm lo a. A danah awm an duh lo bawk a,
78:11 A thiltihte chu an theihnghilh a, A thilmak tih a hmuhtirte nen khan.
78:12 An thlahtute mithmuhah thilmak takte a ti thin, Aigupta ramah, Zoanphulahchuan.
78:13 Tuifinriat chu a tithen phawka, anni chu a kaltir a; Tuite chu englo dah khawm thur angin a dintir luah a.
78:14 Chhunah chuan chhumin a hruai a. Zankhuain mei engin a hruai bawk thin a.
78:15 Thlalerah chuan lungpuite a tiphel a, Tui thuk tak ata ang mai hnianghnara in tur a pe a.
78:16 Lungpui atang chuan luite a tichhuak a, Tuite chu luipuite angin a luan thlaktir a.
78:17 Chuti chung pawhin a chungah thil an lo tisual ta cheu a, Ram rovah chuan Chungnungbera chungah an hel a.
78:18 An chakna tihrenna'na ei tur dilin, An thinlungin Pathian an fiah a.
78:19 A ni, Pathian an sawi hnawm a; "Thlalerah hian Pathianin dawhkan a buatsaih thei emaw chu?
78:20 Ngai teh, lungpui chu a vua a, tuite kha a lo khawh chhuakin, Luite chu a kuang a liam dul dul ta tak a; Chaw pawh a pe thei nghal emaw chu? A mite tan hian sa a buatsaih ang emaw chu?" an ti a.
78:21 Chutichuan LALPA chuan a lo hria a, a thin a rim ta a: Jakob-ho chunga mei a lo alh chhuak a, Israel-ho chungah thinurna a lo chho ta a;
78:22 Pathian an rin loh a, A chhandamna pawh an rin loh avangin.
78:23 Nimahsela chung lam van dumte khi thu a pe a, Van kawngkharte khi a hawnsak a;
78:24 An ei atan manna kha an chungah a zuk surtir a, Van buh chu a pe a ni.
78:25 Mihringten mi chake chhang chu an ei a: Puarna khawpin chaw a rawn pe a.
78:26 Khaw chhak thli chu vanah a tlehtir a: A thiltihtheihnain chhim thli chu a hruai a.
78:27 Sa chu vaivut zat laiin an chungah sa surtir a, Sava thla nei chu tuifinriat tiau vaivut zat laiin:
78:28 An riahhmun laiah a tlaktir a, An awmna buk kiiang velahte chuan.
78:29 Chutichuan an ei a, an puar hle a; An chaka chu a pe ta a ni.
78:30 An chak a la reh lo a. An chaw chu an kaah a la awm a,
78:31 Chu mi lai tak chuan Pathian thinurna chu an chungah a chho a, An mi nalh nalhte thenkhat a that a, Israel tlangvalte chu an vawthlu hlawm a.
78:32 Chuti chung pawhin a chungah thil an lo tisual ta cheu a, A thilmak tihte chu an ring chang lo.
78:33 Chuvangin an dam chhung nite chu engmah lo ang maiin a tihralsak a, An dam chhung kumte chu hlauhnain a tihralsak bawk a.
78:34 Anmahni a thah apiangin amah chu an zawng thin a. An kir leh a, zing takah Pathian an zawng thin a.
78:35 Pathian chu an lungpui a ni tih leh Pathian Chungnungbera chu an tlantu a ni tih an hre chhuak thin.
78:36 Nimahsela amah chu an kain an fak der a, An leiin an hnenah dawt thu an sawi thin.
78:37 An thinlung chu a lakah a dik si lo a, An thuthlungah chuan a rinawm hek lo.
78:38 Nimahsela, ani chu lainatnaa a khah avangin an khawlohna chu ngaidam a, anni chu a tiboral lo: A ni vawi tam tak a thinurna chu a la kir a, A thinrimna chu azain a chawk tho duh thin lo.
78:39 Tisa chauh an ni tih a hre reng a; Thli, let leh lo tura tleh liam thin ang hi.
78:40 Thlalerah khana chungah an va hei zingin, Ram rovah khan amah chu an va tilungngai zing em!
78:41 An hawi kir lehin Pathian an fiah a, Israel-ho Mi Thianghlim chu an ti vui thin.
78:42 A kut chu an hre reng lo a, Dotu laka a chhanhim ni chu an hre reng thin hek lo.
78:43 Khatia Aigupta rama a chinchhiahnate a dah a, Zoan phulah a thilmakte a dah bawk a;
78:44 An luipuite chu thisenah a chantir a, An luite chu thisenah a chantir bawk kha, tichuan an in thei ta lo a.
78:45 An zingah tho tam tak a tir a, chung chuan anmahni a ei zo a; Chungute a tir bawk a, chung chuan anmahni a tiboral ta a.
78:46 An thil tote pawh chu pangang a pe a, An thawh rim tah chu khaukhuap a pe bawk a.
78:47 An grep hruite chu rialin a tithi a, An theipui kungte pawh chu vurin a tithi bawk a.
78:48 An rante pawh chu rial a pe a, An ran rualte chu tek sa tak a pe bawk a.
78:49 A thinur nasa tak chu an chungah a tlak a, Thinrimna te, lungnih loh em emna te, manganna te hi, thil tha lo tak thlentu tirhkoh pawl chu.
78:50 A thinurna atan chuan kawng a siamsak a, A nunna chu thihna lakah a hmum lo a, An nun chu hri a pe ta zawk a;
78:51 Aigupta rama fa tir awm zawng zawng a tihlum a, Hama puan intea an chakna rah hmasa berte chu:
78:52 Nimahsela ama mite chu beram angin a hruai chhuak a, Ran rual angin thlalerah khan a hruai a.
78:53 Him takin a hruai a, chutichuan engmah an hlau lo va: Nimahsela tuifinriat chuan an hmelmate chu a khuh zo ta a.
78:54 Tin, a hmun thianghlim ramri chu a hruai thleng a, He tlang, a kut ding lama a leia hi.
78:55 Hnam tin chu an hmaah a hnawt chhuak a, Anni chu hruia tehin rochan atan a sem a, An puan inahte chuan Israel hnamte chu a awmtir ta a.
78:56 Nimahsela, Pathian Chungnungbera chuu an fiah a, a chungah an hel a, A thuhriattirte chu an zawm si lo a;
78:57 Hawi kirin, an thlahtute angin vervek takin an ti ta zawk a: Thal ngul rinawm lo angin an kal kawi a.
78:58 An hmun sangtein amah chu an tithinur si a, An milem siamtein an thiktir bawk a.
78:59 Pathian chu chu a lo hriatin a thin a rim a, Israel-ho chu a ten ta em em a:
78:60 Chutichu a Silo biak buk, Mihring zinga a puan in dah chu, a kalsan a;
78:61 A chakna chu salah a mantir a, A ropuina chu dotu kutah a mantir ta bawk a.
78:62 A mite chu khandaih hnenah a pe a; A rochan chungah chuan a thin a rim ta a.
78:63 Meiin an tlangvalte chu a kangral a, An nulate chuan inneihna hla reng reng an nei ta lo.
78:64 An puithiamte chu khandaiha tihtlukin an awm a; An hmeithaite chu tah reng reng an tap lo.
78:65 Chutih lai chuan LALPA chu, mi an muhil an harh angin, a harh ta a, Mi chak uain vanga au ang hian.
78:66 Amah dotute chu a vaw kir a, Kumkhaw hming chhiatna a hlawhtir ta a.
78:67 Chu lo pawh chu Josefa puan in chu a duh lo a, Ephraim hnam chu a thlang lo bawk a;
78:68 Juda hnam chu a thlang ta zawk a, A hmangaih Zion tlang chu.
78:69 A in thianghlim chu van sangte ang khian a sa a, Kumkhua atana a tihngheh leilung ang hian.
78:70 A chhiahhlawh Davida chu a thlang a, beram huang atate chu ala chhuak a:
78:71 berampui no hruaite zuite atangin a hruai chhuak a, A mite Jakob-ho leh a rochan Israel-ho chawm turin.Chutichuan ani chuan a thinlung thatna ang zelin anniho chu a chawm a; A kut thiamnain a hruaitaa.
78:72 Chutichuan ani chuan a thinlung thatna ang zelin anniho chu a chawm a; A kut thiamnain a hruaitaa.