Psalms 8
8:1 Aw LALPA, kan Lalpa, Lei chung zawng zawngah hian, i hming chu a va tha em! I ropuina chu van chungahte khian i dah a.
8:2 Hmelma leh phuba latu tihdaihna turin, Nangmah dotute avangin Nausente leh hnute hne laite kaa chhuak chuanin chakna i tinghet a.
8:3 I van, i kut chhuak te, Thla leh arsi i ruathote khi, ka ngaihtuah chang chuan,
8:4 Mihring hi eng nge maw a nih a, i hriat reng thin ni? Mihring fapa pawh hi eng nge maw a nih a, i kan thin ni?' ka ti thin.
8:5 Ani chu Pathian aia hnuai deuh chahin i siam a, Ropina leh chawimawina i khum tir si a.
8:6 I kut chhuak chungahte hian thu i neihtir a; A ke hnuaiahte engkim i dah a:
8:7 Beram leh bawng zawng zawngte nen, A ni, ram sate nen pawh;
8:8 Chungleng sava leh tuifinriat sanghate, Tuifinfiata kawnga kal apiangte nen.Aw LALPA, kan Lalpa, Lei chung zawng zawngah hian i hming a va tha em.
8:9 Aw LALPA, kan Lalpa, Lei chung zawng zawngah hian i hming a va tha em.