Library · lus

Psalms 81

81:1 Pathian min tichaktu chawimawiin hlim takin zai u la: Jakob-ho Pathian chawimawiin hlim takin au rawh u. 81:2 Fakna hla sa u la, khuangte te, tingtang ngaihnawm tak te, perhkhuangte nen rawn keng rawh u. 81:3 Thla tharah chuan tawtawrawt ham u la, Thla hlei ngaa kan kut niah nen. 81:4 Israel-ho tana thuruat a ni si a, Jakob-ho Pathian dan a ni. 81:5 Chu chu Josef-ho zinga thuhriattirna'n a ruat a ni., Aigupta ram chunga a kal chhuah lai kha: Ka tawng hriat loh benga ka hriatna kha. 81:6 An koki chu thil rit atangin ka la sawn a: An kutte chu kho la thlahtir a 81:7 Manganin mi ko a, ka chhanhim che u a: Khawpui ri bihrukna hmunah khan ka chhang che u a; Meriba tuiahte khan ka fiah che u kha. (Selah) 81:8 Aw, ka mite u, ngaithla u la, ka hriattir ang che u: Aw Israel-hote u, ka thu ngaithla duh teh u la aw! 81:9 Ram dang pathian reng reng chu in zingah an awm tur ani lo a; Mi dang pathian reng reng chu in biak tur ani hek lo. 81:10 Kei, LALPA in Pathian chu ka ni, Aigupta ram ata hruai chhotu che u kha: In ka ang zau u la, ka tikhat dawn nia. 81:11 Nimahsela ka mite chuan ka awm an ngaithla si lo a; Israel-ho chuan min duh loh kha. 81:12 An thinlung sak vangin ka thlahthlam a, An duh ang anga awm turin. 81:13 Aw, ka mite hian ka thu ngaithlain, Israel-ho hi ka kawngahte hian kal se la chu aw! 81:14 An hmelmate chu ka tilawm thuaiin, Anmahni dotute chungah chuan ka kut ka lek tur. 81:15 LALPA hawtute chu a hmaah khurin an kun ang a, Kumkhuain hrem an tuar ang.Nangni chu buhchangrumin ka chawm ang che u a, Lungpuia khawzuin ka titlai ang che u. 81:16 Nangni chu buhchangrumin ka chawm ang che u a, Lungpuia khawzuin ka titlai ang che u.