Library · lus

Psalms 94

94:1 Aw LALPA, nang phuba lakna thu neitu Pathian, Nang phuba lakna thu neitu Pathian, eng chhuak ang che. 94:2 Nang leia roreltu, thawk la: Chapote chu an sual man rul ang che. 94:3 LALPA, mi suaksualte chuan eng chen nge, Mi suaksualte chuan eng chen nge an ngam dawn le? 94:4 Anni chu an tawng mai mai a, chaltlai takin thu an sawi a: Thil tisualtute zawng zawng chu an infak chawp thin. 94:5 Aw LALPA, i mite chu an tikeh sawm a, I rochan chu an tihreawm thin 94:6 Hmeithai leh mikhual chu an tihlum a, Pa nei lo chu an that thin. 94:7 "LALPA'n a hmu lo ang a, Jakob-ho Pathianin a ngaihtuah hek lo ang," an ti thin a ni. 94:8 Mi zinga mi mawlte u, ngaihtuah rawh u: Mi ate u, engtikah nge in fin awn aw? 94:9 Beng vuahtu chuan a hre lo ang em ni? Mit siamtu chuan a hmu lo ang em ni? 94:10 Hnam tin thununtu'n a zilhhau lo ang em ni, Mihring finna zirtirtu chuan? 94:11 LALPA chuan mihring ngaihtuahte chu Engmah lo mai mai ani tih a hria. 94:12 ,13 LALPA i thununa i dan i zirtirte chua n nihlawh e, Mi sualte tlakna'n hum laih zawh hma chu. Mangan niah i hahchawlhtir dawn sia. 94:13 ,12 LALPA i thununa i dan i zirtirte chua n nihlawh e, Mi sualte tlakna'n hum laih zawh hma chu. Mangan niah i hahchawlhtir dawn sia. 94:14 LALPA chuan amite apaih thlu dawn si lo a. A rochan chu akalsan hek lo ang. 94:15 rorelna chu felna lamah a kir leh ang a: Thinlung dik tak pu zawng anwg chuan chu chu an zui ang. 94:16 Tunge thil tha lo titute mi beisak turin tho ang? Tunge thil tisualtute mi beisak turin ding ang? 94:17 LALPA chu mi tanpuitu ni suh se la chuan, Ka nunna hi rang takin hmun rehah a awm tawh tur a ni. 94:18 "Ka ke a tleu ve," ka tih kha, Aw LALPA, i ngilneihna chuan mi kai a. 94:19 Ka rilrua ngaihtuah tam tak ka neih lai chuan I thlamuannate chuan ka nunna hi a tihlum thin. 94:20 Suahsualna lalthutphah, dana thil tihsualna siam thina chuan Pawlna che a nei dawn em ni? 94:21 Mi fel nunna bei tumin an pung khawm hlawm thin a, Thisen sawiselbo chu thiam loh an chantir bawk thin. 94:22 Nimahsela LALPA chu ka kulhbing sang a lo ni a; Ka Pathian chu ka inhumhimna lungpui a lo ni.Ani chuan anmahni sualna ngei chu an chungah atlaktir a, Anmahni that lohna ngeiah chuan a tiboral ang a; LALPA kan Pathian chuan a tiboral ang. 94:23 Ani chuan anmahni sualna ngei chu an chungah atlaktir a, Anmahni that lohna ngeiah chuan a tiboral ang a; LALPA kan Pathian chuan a tiboral ang.