Library · lus

Proverbs 10

10:1 Solomona thufing - Fapa fingin pa lawm a siam a, fapa a erawh chu nu rihna ni. 10:2 Suahsualna ro chuan hlawkna a nei lo a, felna erawh chuan thihna ata a chhan chhuak. 10:3 LALPA chuan mi fel nunna chu riltam a phal lo ang a, mi suaksualte duhthusam erawh chu a paih bosak thin a. 10:4 Kut dawngdah chuan retheihna a thlen thin a, mi taima kut erawh chu a hausakna a thlen thin. 10:5 Buh seng laia inchhek khawl chu fapa fing a ni a, a seng hun laia muhil erawh chu fapa, mualphona thlen thintu a ni. 10:6 Mi fel lu-ah chuan malsawmnate a awm a, mi suaksual ka erawh chu nunrawnnain a tuam. 10:7 Mi fel hriat rengna chu malsawmna ani a, mi suaksual hming erawh chu a tawih ral ang. 10:8 Mi fing chuan thinlungin thupekte a dawng thin a, mi a kamtam erawh chu a tlu ang. 10:9 Ngil taka kal chu, muanawm takin a kal thin a, a kawng tikhawlotu erawh chu hriat chhuahin a awm ang. 10:10 Mit siaitu chuan lungngaihna a thlen a, mi a kamtam chu a tlu ang. 10:11 Mi fel ka chu nunna tuikhur a ni a, mi suaksual ka erawh chu nunrawnnain a tuam. 10:12 Huatnain inhauhna a chawk chhuak a, hmangaihna erawh chuan bawhchhiatna zawng zawng a khuh thin. 10:13 Ngaihruat dik thiam mi kaah chuan finna hmuh a ni a; amaherawhchu hriatthiamna nei lo mi hnungzang tan tiang a awm. 10:14 Mi fingte chuan hriatna an khawl khawm a; mi a ka erawh chu boral hnaih rengna a ni. 10:15 Mi hausa sum chu a khawpui nghet a ni a; mi rethei boralna chu an pachhiatna a ni. 10:16 Mi fel thawhrimna chuan nuna a thlen a, mi suaksual hlawkna chuan sualna. 10:17 Thununna pawm chu nuna kawngah a awm a, zilhhauna hawisantu erawh chuan a tisual thin. 10:18 Huatna zepte chu hmui dawthei nei mi a ni a, mi relna thu chhakchhuak mi chu mi a a ni. 10:19 Thu tam takah chuan a bawhchhiatna a awm thin a, a ka sum thei mi erawh chuan fing takin a ti thin. 10:20 Mi fel lei chu tangkaraw tha mi ang a ni a, mi suaksual thinlung erawh chu engmah hu a ni lo. 10:21 Mi fel ka chuan mi tam tak a chawm a, mi a erawh chu hriatthiamna tlachhamin a thi. 10:22 LALPA malsawmna chuan a tihausa thin a, lungngaihna a belhchhah thin lo. 10:23 Mi a tan chuan thil sual tih hi nuamsip bawlna ang a ni a, chutiang bawk chuan hriatthiamna nei mi tan chuan finna chu a ni. 10:24 Mi suaksual chu, a hlauh ang ngeiin a chungah a lo thleng ang: mi fel duhthusam chu pek a ni ang. 10:25 Thawngaleivir a lo virin mi suaksual chu a boral a, mi fel rawh chu chatuan lungphum a ni. 10:26 Ha tan uain thur leh mit tan meikhu angin mi thatchhia chu a tirtu tan a ni ang. 10:27 LALPA tihna chuan dam chhung ni a tisei a, nimahsela mi suaksual kumte chu tihtawi a ni ang. 10:28 Mi fel nghahfak chu lawmna a ni ang a, mi suaksual hmachhuan erawh chu a boral ang. 10:29 Mi dak tak tan LALPA kawng chu kulhbing a ni ang a, thil tha lo titu tan erawh chuan boralna a ni ang. 10:30 Mi felte chu tihsawnin an awm lo ang a, mi suaksualte erawh chu leilungah an awm lo ang. 10:31 Mi fel ka chuan fina a chhak chhuak a, tawng chaltlai lei erawh chu tanchhum a ni ang.Mi fel ka chuan pawm tlak chu a hria a, mi suaksual ka erawh chu chaltlai takin a tawngchhuak thin. 10:32 Mi fel ka chuan pawm tlak chu a hria a, mi suaksual ka erawh chu chaltlai takin a tawngchhuak thin.