Library · lus

Proverbs 13

13:1 Fapa fing chuan a pa thununna a pawisa thin a, hmusit ching mi erawh chuan zilhhauna a ngaithla duh thin lo. 13:2 Mi tha chuan a kaa thu chhuak rah a dawng a, bum hmangte duhzawng erawh chu tharum thawh a ni. 13:3 A ka veng tha chuan a nunna a veng tha a ni a, a ka zau tkaa ang erawh chuan boralna a chang ang. 13:4 Mi thatchhe rilru chuan thil a duh thin a, nimahsela engmah a nei chuang lo a, mi taima rilru erawh chu tihtlai a ni ang. 13:5 Mi fel chuan dawt a hua a, mi suaksual erawh chu a renawm a, mualphona a thlen thin. 13:6 Felna chuan dik taka awmte chu a veng thin a, suahsualna erawh chuan mi sual a theh tlu thin. 13:7 Hausaa ingnai engmah nei lo an awm a, retheia inngai hausa hle si an awm. 13:8 Mi hausa chuan intlanna a nei a, mi rethei erawh chuan a nei ve lo. 13:9 Mi fel eng chu a eng tha hle a, mi suaksual khawnvar erawh chu tihmih a ni ang. 13:10 Chapona chuan inhauna mai a tichhuak a, thununna tha mi hnenah erawh chuan finna a awm. 13:11 Engmah lo mai maia sum deh chhuah chu tihriral a ni ang a; thawhrimna khawl erawh chu a pung ang. 13:12 Beiseina tihkhawtlai hian thinlung a tina a, duhthusam lo thleng erawh chu nunna thing a ni. 13:13 Thu chu ngai nep apiang chuan boralna an inthleng ang a, thupek tih apiang erawh chu lawmna pek a ni ang. 13:14 Mi fingte zirtirna chu nuna tuikhur a ni, thihna thang hawisanna turin. 13:15 Hriatna tha chuan duhsakna a dawntir a, mi vervek kawng eawh chu a bumboh. 13:16 Remhria zawng zawngin finnain an thawk a, mi a erawh chuan atna a zar darh thin. 13:17 Zualko suaksual chu thil sualah a tlu lut thin a, palai rinawm chu damna a ni. 13:18 Thununna duh lotu chungah chuan pachhiatna leh mualphona a thleng ang a, zilhhauna ngaisangtu erawh chu chawimawi a ni ang. 13:19 Duhthusam puitlina a lo awm chu rilru atan a thlum a, mi ate tan chuan sual kalsan hi thil tenawm a ni. 13:20 Mi fing pawl la, i lo fing ang a, mi a pawl erawh chu hrehawm tura phahna a ni. 13:21 Thil sualin mi sual chu a zui zel thin a, mi fel erawh chu thil thaa thungrulh a ni ang. 13:22 Mi tha chuan a tute thlenga rochun tur a hnutchhiah thin a, mi sual sum chu mi fel tan khawlkhawm a ni. 13:23 Mi rethei leilehah chuan hchaw tam tak a awm a; nimahsela rorel dik lo awmna chu tihchhiatin a awm thin. 13:24 Tiang hmang duh lo chuan a fa a hua a ni, a hmangaihtu erawh chuan a thunun chawt thin.Mi fel chuan a rilru tihtlaina'n a ei thin a, mi suaksual pum erawh chuan a tlachham ang. 13:25 Mi fel chuan a rilru tihtlaina'n a ei thin a, mi suaksual pum erawh chuan a tlachham ang.