Library · lus

Proverbs 16

16:1 Rilru lo ruahman lawkna chu mihring chan a ni a, lei chhanna erawh chu LALPA atangin a ni. 16:2 Mi ama ngaihin a kawng zawng zawng a thianghlim a; nimahsela LALPA'n rilrute a buk thin. 16:3 I hnate chu LALPA kawltir rawh. Tichuan, i thil ruahmante chu tihnghehin a awm ang. 16:4 LALPA'n thil zawng zawng hi chhan nei theuhin a siam a, a ni tak e, mi suaksualte pawh hi ni tha loa tan. 16:5 Thinlunga chapo apiangte chu LALPA tana tenawm an ni; inthurual mah se, hrem lohin chhuah an ni lo ang. 16:6 Zahngaihna leh thutakin khawlohna chu tlenfai a ni a, LALPA tihnain miin sual a kalsan thin. 16:7 Mi, a awm danin LALPA a tihlawm chuan, a hmelma nen lam inremin a awmtir thin. 16:8 Fel lo taka deh chhuah tam tak ai chuan fel taka deh chhuah tlemte a tha zawk. 16:9 Mihring rilruin a kawng a ruahman a, a ke pen erawh chu LALPA'n a hruai thin. 16:10 Lal kaah chuan Pathian thu tihtluk a awm a; a ka chuan a rel sual lo ang. 16:11 Bukna leh tehna dik hi LALPA ta a ni a, ip rihzawngte chu a ngaihtuah thin. 16:12 Suahsualna thilti hi lalte tan tenawm ani a, Lalthutthleng chu felnaa tihngheh a ni si a. 16:13 Ka fel chu lal lawmna a nai a, thu dik sawi chu an ngaina thin. 16:14 Lal thinurna chu thihna zualko ang ani a, mi fing erawh chuan a nek dai ang. 16:15 Lal hmel engah chuan nuna a awm a, a duhsakna chu ruahtui tla hnuhnung chhum ang a ni. 16:16 Rangkachak ai chuan finna neih hi a va tha nasa zawk em! A ni, tangka ai chuan hriatthiamna chu thlan zawk tur a ni. 16:17 Mi tluangte lamlian chu sual kalsan a ni; A kawng veng tha chuan a nunna a humhim a ni. 16:18 Chapona chu boralna hmaah a kal a, rilru intivei chu tlukna hmaah. 16:19 Mi chapote nen rallak thil insem ai chuan mi retheite nena mi rilru thuhnuairawlh mi nih a tha zawk. 16:20 Thu chik taka dawn mi chuan thil tha a dawng ang a, LALPA ring apiang chu an nihlawh a. 16:21 Rilrua fing chu mi remhria tih an ni ang a, tawngkam thlumna chuan thiamna a tipung. 16:22 Hriatthiamna hi a neitu tan chuan nunna tuikhur a ni a, mi ate tan erawh chuan thununna chu an atna a ni. 16:23 Mi fing thinlung chuan a ka a zirtir thin a, a hmuiah thiamna a belhchhah thin. 16:24 Thu pai nuam chu khawithlar ang a ni a, nunna atna a thlum a, ruh tan hriselna a ni. 16:25 Mi ngaiha kawng dik ni awm taka lang, a tawp chu thihna kawng ni si a awm. 16:26 Hnathawk mi chu ei tur avangin a rim a, a riltam rehna'n a thawk rim thin. 16:27 Mi tlaktlai lo chuan pawi khawih tur a ngaihtuah chhuak a, a kaah mei sa tak a awm. 16:28 Tawng chaltlai mi chuan inhauna a theh darh a. Sesea thu sawi hmangin thian bulte a tithen thin. 16:29 Mi nunrawngin thenawmte a hruai sual thin a, kawng tha loah a hruai thin. 16:30 A mit maimitchhing chuan thil tha lo suangtuahna'n a ti a ni a, a heh pettu chuan thil tha lo a thlen thin. 16:31 Lu tuak chu ropuina lallukhum a ni a, felna kawngah hmuh a ni ang. 16:32 Mi thinnel chu mi chak aiin a tha zawk a. A rilru thunun hneh chu kaw latu aiinMal chungah thum an vawr a, thil lo chhuak erawh chu LALPA tih a ni. 16:33 Mal chungah thum an vawr a, thil lo chhuak erawh chu LALPA tih a ni.