Proverbs 23
23:1 Roreltute nena chaw eia in thut dunin i hmaa mi chun takin en rawh.
23:2 I ril a tam hle chuan insum deuh ang che.
23:3 Bumna chaw mai a nih hre rengin a tuina ngawt it suh.
23:4 Intihausa turin intihah suh la, nangma fina fin bang rawh.
23:5 Thil awm lo chungah i mit i nghat dawn em ni? Sum chuan thla a insiam ngei ngei a, mupui van lama thlawk thin ang hian.
23:6 Mi fir chhang chu ei suh la, a thil tuihnaite it hek suh.
23:7 A suangtuah ang chiah zelin a ni, a awm ni, "Ei rawh, in rawh," a ti ang chia; mahse a rilru chuan ngaimawhna che a nei lo.
23:8 I chaw bar chu i luak chhuak ang a, i thu thlum tak chu i chan ang.
23:9 Mi a benghriatah chuan thu sawi suh, i thu fingte chu a ngainep dawn si a.
23:10 Hmakhawsanga ramri lo kham chu sawn suh la, pa nei lote loah inrawlh suh.
23:11 Anmahni tlantu chu a chak a, i chungah an thu a sawipui dawn si a.
23:12 Zirtirna lamah i rilru nghat la, i beng chu hriatna thu lamah.
23:13 Naupang thunun tim suh, tiangin vaw mah la, a thi dawn si lo a.
23:14 Tiangin i vua ang a, tichuan Seol ata a nunna i chhanchhuak ang.
23:15 Ka fapa, i rilru a fin chuan ka thinlung a lawm tak tak ang.
23:16 A ni, i kain thil dik a sawiin ka rilru a hlim ang.
23:17 I thinlungin mi sual awt suh se; nilengin LALPA tihin awm zawk rawh.
23:18 Lawmman a awm ngei dawn si a, i beisei chu tihboin a awm lo ang.
23:19 Ka fapa, ngaithla la, fing la, kawngah chuan i thinlung hruai rawh.
23:20 Uain heh mite zingah leh sa heh mite zingah tel suh;
23:21 Zu rui mite leh sa heh mite chu an lo rethei dawn si a. Nguinain puan chhia a sintir ang.
23:22 I pa, a hringtu che thu pawm la, i nu chu a lo tarin hmusit suh.
23:23 Thu dik chu lei la, hralh leh tawh suh; a ni, finna te, zirtirna te, hriatthiamnate nen.
23:24 Mi fel pa chu nasa takin a hlim ang a. Fa fing hringtu chuan a chungah lawmna a nei ang.
23:25 I nu leh pa chu hlim takin awm se la, a hringtu che chu hlim takin awm rawh se.
23:26 Ka fapa, i thinlung min pe la, ka awm danahte hian i mit tlung rawh se.
23:27 Nawhchizuar chu khuarkhurum thuk tak a ni a, hmeichhe sual chu khuarkhurum zim a ni;
23:28 A ni, rukru angin mi an chang a, mihring zingah vervekna an tipung thin.
23:29 Tute nge chungpik thin a, tute nge lungngai thin a, tute nge inhau thin? Tute nge thubuai nei thin a, tute nge a vang awm loa hliam tuar thin a, tute nge mit sen rem rum thin le?
23:30 Zu hmuna awm reng thinte, zu chawhpawlh in thinte an ni.
23:31 Uain a sen kak laiin en suh, noa a zia a lan lai te, a luan thlak zaih zaih lai tein;
23:32 A tawpah chuan rul angin a chu a, rul tur tha mi angin mi a chu thin.
23:33 I mitin thil mak takte a hmu ang a, i thinlungin thu chaltlai takte a chhahchhuak ang a.
23:34 A ni, mi tuifinriat lai taka mu ang emaw, lawng puanzarna chhipa mu ang emaw i ni ang.'Min vua a, a na si lo, min vel a, ka hre lo, engtikah nge ka lo harh ang aw? Kan in leh bawk thin ang,' i ti ang.
23:35 'Min vua a, a na si lo, min vel a, ka hre lo, engtikah nge ka lo harh ang aw? Kan in leh bawk thin ang,' i ti ang.