Library · lus

Proverbs 25

25:1 He'ng pawh hi Solomona thufing, Juda lal Hezekia mite'n an ziak chhawn chu a ni. 25:2 Thil thup hi Pathia ropuina a ni a, lal ropuina erawh chu thil zawnchhuah a ni. 25:3 Van hi a sang em a, lei hi a thuk em a, lalte rilru pawh hi chhuichhuah rual a ni lo. 25:4 Tangkaraw ekchhia paih la, a chhertuin thil mawi a chher thei ang. 25:5 Lal hmaa mi suaksual chu sawn bo u la, a lalthutthleng chu felnaa tihngheh a ni ang. 25:6 Lal hmaah chawimawina chuh suh la, mi ropuite hmunah ding suh. 25:7 I hmuh tawh thin mi lian hmaa tihhnuai i nih ai chuan thutphah tha deuhah lo thu rawh khai, i hnena an tih chu a tha zawk si a. 25:8 Inbei turin hmanhmawh takin kal suh, a tawpa i thenawmte'n an tihmualpho hun chein, a tihngaihna i hre lo mai dah ang e. 25:9 I thubuai chu i thenawmpa nen sawi dun u la, mi dang thuruk chu puang suh. 25:10 A hretu chuan a hau ang chia, i hmingchhiatna a reh lo dah ang e. 25:11 A awm tak thu sawi hi tangkaraw bawma rangkachak thei ang a ni. 25:12 Thu awih bengah chuan zilhtu fing chu, rangkachak bengbeh leh rangkachak tha mi thi ang a ni. 25:13 A tirtute tana palai rinawm tak chu buh seng laia vur vawt ang a ni. A pute nunna a tihharh thin vangin. 25:14 A pek loh pui pea insawi a, uangthuang chu ruahtui pai lo chhum leh thli ang a ni. 25:15 Dawhtheihnain roreltu thlem thlukin a awm a, thu nem chuan ruhte a titliak thin. 25:16 Khawizu i hmu thin em? A tawk lekin in rawh, chutilochuan i la lua ang a, i luak leh dah ang e. 25:17 I thenawm in tlawh cheh lutuk suh, a ning ang chia, a haw dah ang che. 25:18 Mahni thenawm chungchanga dawt sawi ching chu tuboh te, khandaih te, thal hriam takte a ni. 25:19 Mangan laia mi rinawm lo rin chu ha bal leh ke ruh pelh ang a ni. 25:20 Mi lungngai hnena hla satu chu khaw vawh nia silhfen hlih ang leh pema chingal leih ang a ni. 25:21 I hmelma a ril a tam chuan ei tur pe rawh, a tui a hal chuan in tur pe rawh, 25:22 I tizak em em ang a, tin, LALPA'n a rul ang che. 25:23 Hmar thliin ruah a rawn thlen a, chutiang bawkin mi rel hmang leiin thinur hmel. 25:24 Hmeichha an hmang tak nena in zau taka awm ai chuan in chung chhip kila awm a tha zawk. 25:25 Ram hla taka chanchin chu mi tuihal tak tana tui vawt ang a ni. 25:26 Mi fel, mi suaksual kawng kiantu chu tuikhur hnuchhawn hnu leh tuihna tihkhawloh ang a ni. 25:27 Khawizu in tam hi a tha lo a, chutiang bawkin miin mahni ropuina an zawng hi ropuina a ni lo e.Mahni rilru thunun zo lo mi chu khawpui chim kulh nei lo ang a ni. 25:28 Mahni rilru thunun zo lo mi chu khawpui chim kulh nei lo ang a ni.